नेपाल भेट्रान्स टिम खेलको टि-२० सिरिज खेल्न नेपाल भ्रमणमा आएको कुवेतको भेट्रान्स क्रिकेट टिम कुवेत बादशाह क्रिकेट क्लबले विजयी सुरुवात गर्दै सिरिजमा १-० को अग्रता हाँसिल गरेको छ।
टियु अन्तर्राष्ट्रिय मैदान कीर्तिपुरमा नेपाल भेट्रान्सले दिएको १६६ रनको लक्ष्य भ्रमण टिमले १५.२ ओभरमा ६ विकेट क्षेतीमा पुरा गर्दै ४ विकेटको जित दर्ता गर्यो।
कुवेतको जितमा ब्याटिंग अर्फ़ अदिथ कुमाराले सर्वाधिक ६७ रन, खुर्रम शहजादले ३६ तथा मुहम्मद हफिजले ३१ रन बनाए भने बलिंग अर्फ़ जम्शाद अज्मतले ३ विकेट लिए।
नेपालको ब्याटिंगमा कृतार्थ शाक्यले सर्वाधिक ३८, दिपेन्द्र चौधरीले अविजित ३५ तथा परेश लोहनीले ३२ रन बनाए। नेपालको बलिंगमा रिकेश लामा र राजु बस्नेतले २/२ विकेट लिए।
सिरिजको दोश्रो खेल भोलि आइतबार तथा तेश्रो खेल सोमबार खेलिनेछ।
पहिलो पटक नेपाली भेट्रान्स क्रिकेट टिमले अन्तर्राष्ट्रिय क्रिकेट सिरिज खेलीरहेको हो।
