ललित सिंह भण्डारी प्रतियोगिताको धनगढी प्रिमियर लिगको मस्ट भ्यालुएबल प्लेयर घोषित भएका छन् ।
टिम चौराहा धनगढीले ललितलाई अक्सन मार्फत रु १ लाख रुपैयाँमा अनुबन्धित गरेको थियो । प्रतियोगिता भरिनै उत्कृस्ट बलिंग प्रदर्शन गर्ने क्रममा ललितले खेलेका ७ खेलमा १४ विकेट चट्काए। महेन्द्रनगर युनाइटेड बिरुद्द ४ ओभरको स्पेलमा ३७ रन खर्चेर ४ विकेट लिएका भण्डारीले टिम चौराहाको बलिंगमा कप्तान सोमपाल कामीको दह्रो साथ निभाए ।
कन्चनपुरबाट उदाएका बायाँ हाते तिब्र गतिका बलर ललित भण्डारीले केहि महिना अघि मात्र नेपाली राष्ट्रिय टोलीबाट समेत डेब्यु गरिसकेका छन् । करन केसी र सोमपाल कामी राष्ट्रिय टोलिका नियमित सदस्य भएकाले ललितले अन्तिम ११ मा स्थान बनाउन भने सकिरहेका छैनन् ।
कसरि छानिए मस्ट भ्यालुएबल प्लेयर ?
धनगढी प्रिमियर लिग (डिपिएल) २ मा नेपाली घरेलु क्रिकेट इतिहासमा नै पहिलो पटक मस्ट भ्याल्युएबल प्लेयरलाई गोल्डेन बुट प्रदान गर्ने व्यवस्था थियो । यसका लागि आयोजकले किरन सुज म्यानुफ्याक्चरर्सको गोल्ड स्टार सुज प्रतियोगिताको अधिकारिक फुटवेयर पार्टनरको रुपमा रहने सम्झौता गरेको थियो ।
मस्ट भ्यालुएबल प्लेयर टेक्निकल कमिटि र विकेटनेपालको (पब्लिक भोटिंग हेर्नुहोस्) मा प्राप्त भएको मतबाट निर्णय गरिएको थियो।
मस्ट भ्यालुएबल प्लेयर घोषित भएसंगै ललितले गोल्डेन बुट प्राप्त गरेका छन् । गोल्डेन बुट पूर्णत सुनको भने छैन। सो बुट चांदीको जुत्तामा सुनको प्लेट लगाइएर बनाइएको छ।
