दोश्रो सेमीफाइनलमा दाम्बुला भाइकिंगलाई ३७ रनले पराजित गर्दै थिसारा परेरा कप्तानीको जाफ्ना स्टालियन्सले श्रीलंकामा जारि लंका प्रिमियर लिगको फाइनलमा दाम्बुलासंग स्थान पक्का गरेको छ।
सोमबार राति महिन्दा राजापाक्षे स्टेडियममा सम्पन्न खेलमा जाफ्नाले दिएको १६६ रनको लक्ष्य पछ्याउने क्रममा दाम्बुलाले १९.१ ओभरमा सबै विकेट गुमाएर १२८ रन मात्र बनाउन सकेको हो।
दाम्बुलाको लागि उपुल थरंगाले सर्वाधिक ३३, निरोशन डिकवेलाले २९ तथा रमेश पुस्पकुमाराले २६ रन योगदान दिए। तेश्रो विकेटको लागि डिकवेला र थरंगा बीच ४४ रनको साझेदारी बाहेक अन्य ठुलो साझेदारी दाम्बुलाको इनिंगमा हुन सकेन।
जाफ्नाको बलिंगमा वानिन्दु हसरंगाले ४ ओभरमा १ मेडन ओभर गर्दै मात्र १५ रन खर्चेर ३ विकेट लिए। धनन्जय डी सिल्भा, सुरंगा लक्मल, चरिथ असलंका, डुएन ओलिभर र चतुरंगा डी सिल्भाले समान १ विकेट लिए।
यस अघि टस हारेर ब्याटिंग गरेको जाफ्नाले २० ओभरमा ९ विकेट गुमाएर १६५ रन बनाएको थियो।
जाफ्नाका ओपनर जोनाथन चार्ल्सले सर्वाधिक ७६ रन बनाए जुन क्रममा ५६ बलमा १० चौका र १ छक्का हिर्काए। अभिस्का फर्नान्डोले ३९ रन बनाए। पहिलो विकेटको लागे फर्नान्डो र चार्ल्सले ६८ रनको तथा दोश्रो विकेटको लागि चार्ल्स र असलंका बीच ४३ रनको साझेदारी गरे।
दाम्बुलाको बलिंगमा मालिन्दा पुस्प्कुमाराले २ विकेट तथा लहिरु कुमारा, अनवर अलि र रमेश मेन्डिसले समान १ विकेट लिए।
खेलको प्लेयर अफ द म्याच जोनाथन चार्ल्स चुनिए।
लिगको पहिलो संस्करणको उपाधिको लागि बुधबार गाल ग्ल्याडीएटर्स र जाफ्ना बीच प्रतिस्पर्धा हुनेछ। गालले पहिलो सेमीफाइनलमा कोलोम्बो किंग्सलाई २ विकेटले पराजित गरेको थियो।