जहीर खान इन्डियन प्रिमियर(आइपिएल) मा लखनउ सुपर जायन्ट्स मा मेन्टरको रूपमा नियुक्त भएका छन् । लखनउमा आईपीएल २०२३ पछि गौतम गम्भीरको बहिर्गमनको कारण उक्त स्थान रिक्त रहेको थियो । सन् २०२४ को आइपिएलका लागि कोलकाता नाइट राइडर्समा प्रशिक्षकको भूमिका निर्वाह गरेका गम्भीर भारतीय पुरुष क्रिकेट टोलीका मुख्य प्रशिक्षक बनेका छन् ।
मोर्ने मोर्केलले लखनउ छोडेपछि जहीरले बलिङ प्रशिक्षकको जिम्मेवारी पनि सम्हाल्नेछन् । जहीरले आफ्नो नियुक्तिपछि सञ्चारकर्मीसँग कुरा गर्दै आफू बलिङ प्रशिक्षक हुने बारे केही बताएनन्, तर मुस्कुराउँदै भने, ‘यदि म सेटअपमा छु भने, के टोलीलाई अर्को बलिङ प्रशिक्षक चाहिन्छ ?’
सन् २०१८ देखि २०२२ सम्म, जहीर मुम्बई इन्डियन्स फ्रेन्चाइजीमा संलग्न थिए । उनले मुम्बईमा पहिले क्रिकेट निर्देशक र त्यसपछि क्रिकेट विकासको प्रमुखको रूपमा काम गरेका थिए । त्यसअघि उनले मुम्बई, रोयल च्यालेन्जर्स बेंग्लोर र दिल्ली डेयरडेभिल्सगरी तीन आइपिएल टिममा खेलेका थिए ।
आइपिएलमा जहीरको पुनरागमन यस्तो समयमा भएको छ । जतिबेला सबै टिमहरु मेगा अक्सनको तयारीमा जुटेका छन् । आइपिएलले सेप्टेम्बरको सुरुमा रिटेन्सन नियम घोषणा गर्ने सम्भावना छ ।
