महेश क्षेत्री सम्मानित

  • विकेटनेपाल, १६ मङ्सिर

रास्ट्रिय क्रिकेटर महेश क्षेत्री नेपालगन्ज स्पोर्ट्स अनरबाट शुक्रबार सम्मानित भएका छन्। नेपालगन्जमा जन्मिएर नेपाली क्रिकेटमा महत्वपूर्ण योगदान दिएकोमा क्रियटिभ ह्यान्ड्सले क्षेत्रीलाई सम्मान गरेको हो।

सम्मान सहित महेशले सुजुकीको स्कुटर र अवार्ड समेत प्रदान गरिएको छ।

मध्य तथा सुदुर पश्चिम क्षेत्रबाट खेल करियर सुरु गरेर राष्ट्रिय तथा अन्तराष्ट्रिय स्तरमा महत्वपुर्ण सफलता हाँसिल गरेका खेलाडीलाई क्रियटिभ ह्यान्डसले अवार्ड प्रदान गर्दै आएको छ। यसअघि नेपाली महिला राष्ट्रिय क्रिकेट टोलीकी पहिलो कप्तान नेरी थापालाई स्कुटरबाट सम्मान गरेको थियो।

सम्मानित भएपछि प्रतिक्रिया दिदै क्रिकेटर क्षेत्रीले आफुले खेलजिवनमा पाएको सबै भन्दा ठुलो सम्मानको रुपमा व्याख्या गर्दै आयोजक संस्था क्रियटिभ ह्याण्ड्सलाई धन्यवाद दिए । आफुले खेल जिवनमा ठुलो संघर्ष गरेको बताउदै उनले यस प्रकारको सम्मानले आफुमा उर्जा प्राप्त भएको उल्लेख गरे –

“खेल जिवनमा मैले ठुलो संघर्ष गरेको छु । निकै दुख पाएको छु तर आज सम्मानित हुदाँ निकै उर्जा प्राप्त भएको छ । देशका लागि अझै मेहनत गर्नेछु ।”

क्षेत्री घरेलु क्रिकेटमा नेपाल आर्मी क्लबको लागि खेल्ने गर्छन्।

क्रिकेट करियर नेपालगंजबाट सुरु गरेका महेशले सन् २००५ मा नेपाली यु-१९ रास्ट्रिय क्रिकेट टिमको लागि डेब्यु गरेका थिए भने सन् २००६ को मलेसियामा सम्पन्न एसीसी ट्रफीमा पहिलो पटक नेपाली टिमको प्रतिनिधित्व गरेका थिए।

रास्ट्रिय क्रिकेट टिमका विकेटकिपर ब्याट्सम्यान महेश पछिल्लो समय नेपाली टिममा स्थान बनाउन संघर्ष गर्दै आएका छन्। सन् २०१० मा नेपाली टिमले डिभिजन-५ प्रतियोगिता जित्दा नेपाली टिमका महत्वपूर्ण सदस्य रहेका क्षेत्री प्रशिक्षक पुबुदु दासानायकेको आगमन पछि नेपाली टिममा अनियमित रहँदै आएका छन्। अन्तिम पटक २०१५ को आईसीसी बिश्व क्रिकेट लिग च्याम्पियनसिपमा स्कटल्याण्ड बिरुद्ध महेशले रास्ट्रिय टिमको प्रतिनिधित्व गरेका थिए।

 





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]