एसीसी टि-२० इस्टर्न : मलेसियासंग नेपाल स्तब्ध

Malaysia Cricket Team

थाईल्याण्डमा जारि एसीसी टि-२० इस्टर्न प्रतियोगिता अन्तर्गत पहिलो खेलमा नेपाली क्रिकेट टिम मलेसियासंग २२ रनले पराजित भएको छ। आजै सम्पन्न पहिलो खेलमा सिंगापुरले थाईल्याण्डलाई ४३ रनले पराजित गरेको छ।

मलेसियासंग नेपाल पराजित भएको टि-२० अन्तर्राष्ट्रिय इतिहासमा नै पहिलो पटक हो। स्कोरकार्ड  अंकतालिका 

नेपालले आगामी खेल आइतबार हंगकंगसंग खेल्नेछ। खेल नेपाली समय विहान ८:१५ बजे सुरु हुनेछ।

आयोजक थाईल्याण्ड, नेपाल, सिंगापुर, मलेसिया र हंगकंग सम्मिलित प्रतियोगितामा सबै टिमले एकअर्कासंग १/१ खेल खेलीसकेपछि अंकतालिकामा उत्कृस्ट हुने २ टिम अगस्टमा मलेसियामा हुने एसिया कप छनौट खेल्न छनौट हुनेछ।

टेर्ड थाई मैदानमा सम्पन्न खेलमा टस जितेर ब्याटिंग गर्दै मलेसियाले दिएको १ सय ५५ रनको लक्ष्य पछ्याउने क्रममा नेपालले १९.४ ओभरमा १३२ रनमा सम्पूर्ण विकेट गुमाउन पुग्यो।

नेपालको लागि दिपेन्द्र ऐरी र ज्ञानेन्द्र मल्लले समान ३८ रन तथा पवन सर्राफले १९ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

ज्ञानेन्द्र मल्लसंग ओपनिंग ब्याटिंग गर्न आएका कुशल मल्ल नखोली पहिलो ओभरमा पवनदिप सिंहबाट आउट भए पछि ब्याटिंग गर्न आएका पारस खड्का चौथो ओभरमा ९ रन बनाएर आउट भए।

तेश्रो विकेटको लागि कप्तान मल्ल र दिपेन्द्र ऐरीले तेश्रो विकेटको लागि ६६ रनको साझेदारी गरे। १३ औं ओभरमा मल्ल पवनदिपबाट क्याच आउट भए भने ऐरी पनि १६ औं ओभरमा मुनिएन्डीबाट क्याच आउट भए। त्यसपछि पवन सर्राफ १९ रन, आरिफ शेख ५ तथा करन केसी २ रन बनाएर आउट भए।

त्यसपछि नेपाल सम्हालिन सकेन र तल्लो क्रमका ब्याट्सम्यानहरुले टिमलाई जितसम्म पुर्याउन सकेनन्। बिनोद भण्डारी ७, सन्दिप लामिछाने १ तथा सुशन भारि खाता नखोली आउट भए।

मलेसियाको बलिंगमा शर्भीन मुनिएन्डीले सर्वाधिक ४ विकेट लिए। पवनदिप सिंह, इजात इडरस र हयात दुर्रानीले समान २/२ विकेट लिए।

यस अघि टस जितेर ब्याटिंग गरेको मलेसियाले २० ओभरमा ६ विकेट गुमाएर १ सय ५४ रन बनाएको थियो।

Sandeep Lamichhane

मलेसियाको लागि सयद मुबारकले सर्वाधिक ५१ रन बनाए। अविजित इनिंग खेल्ने क्रममा उनले ३५ बलमा ४ चौका र २ छक्का प्रहार गरे। अनवर अरुद्दीनले ३१, अहमद फैजले ३० तथा अमिनुदिन रामलीले २९ रन बनाए।

सन्दिप लामिछानेले नेपालको लागि सर्वाधिक ३ विकेट लिए जुन क्रममा ४ ओभरमा २२ रन खर्चिए। अविनाश बोहराले २ तथा करन केसीले १ विकेट लिए। सुशन भारि, पारस खड्का र पवन सर्राफ विकेटविहिन रहे।





थप समाचार

पूर्व कप्तान मल्लको उपस्थितिमा द वन्डल्याण्ड दशैं फेस्टिवल भव्य रूपमा सम्पन्न

ललितपुर बुंगमतिमा स्थित ‘द वन्डरल्याण्ड’ The Wonderland मनोरञ्जन पार्कमा दुई दिने दशैं फेस्टिवल भव्य रुपमा सम्पन्न भएको छ। असोज १८ […]

NPL : शक्ति गौचन लुम्बिनी लायन्सको कन्सल्टेन्ट प्रशिक्षक

राष्ट्रिय क्रिकेट टोलीका पूर्व सदस्य शक्ति गौचनलाई नेपाल प्रिमियर लिग (एनपिएल) को सहभागी टोली लुम्बिनी लायन्सले कन्सल्टेन्ट प्रशिक्षक नियुक्त गरेको […]

अस्ट्रेलिया र इंग्ल्यान्ड विजयी सुरुवात

युएईमा जारी महिला टि ट्वान्टी विश्वकपको साबिक विजेता अस्ट्रेलियाले विजयी सुरुवात गरेको छ । अस्ट्रेलियाले शनिवारको पहिलो खेलमा श्रीलंकालाई पराजित […]

दोश्रो अभ्यास खेलमा नेपाल विजयी

क्यानाडामा भ्रमणमा रहेको नेपाली क्रिकेट टिमले दोश्रो एकदिवसीय अभ्यास खेलमा क्यानडा हाई परफरमेन्स टिमलाई २० रनले पराजित गरेको छ। पहिलो […]

भारतमाथि न्युजिल्यान्डको फराकिलो जित

युएईमा जारी रहेको महिला टि२० विश्वकपमा न्युजिल्यान्डले भारतलाई फराकिलो अन्तरले पराजित गरेको छ । दुबईमा शुक्रवार भएको दिनको दोस्रो खेलमा […]

ब्याटिङ कोल्याप्स हुदा नेपाल पराजित

ब्याटिङमा फेरी चुक्दा नेपाल क्यानडामा फेरी पनि पराजित भएको छ । नेपाल क्यानडामा भएको ५० ओभरको अभ्यास खेलमा क्यानडा हाईप्रफमेन्ससँग […]