मार्चमा नेपाली क्रिकेट टिमको व्यस्त खेल तालिका, दुईवटा सिरिज खेल्ने

ओमानमा जारी टि-ट्वान्टी विश्वकप छनोट ग्लोबल प्रतियोगिता खेलीरहेको नेपाली राष्ट्रिय क्रिकेट टिम आगामी महिना मार्चमा पनि व्यस्त रहने भएको छ।

नेपाल क्रिकेट संघले सामाजिक संजाल मार्फत आइतबार पपुवा न्यु गिनी र मलेसियासंग त्रिकोणात्मक सिरिज खेल्ने घोषणा गरेको छ। मार्च महिनामा नेपालले विश्वकप लिग-२ अन्तर्गतको सिरिज समेत खेल्ने तालिका छ।

खेलनेपाल श्रोतका अनुसार नेपालले मलेसिया र पपुवा न्यु गिनीसंग मार्चको अन्तिममा त्रिकोणात्मक टि-ट्वान्टी सिरिज हुनेछ। गत वर्ष नेदरल्याण्ड र मलेसियासंगको टि-ट्वान्टी सिरिजकै फर्म्याटमा सिरिज आयोजना हुन सक्नेछ। टि-ट्वान्टी सिरिज बाहेक नेपालले पपुवा न्यु गिनीसंग एकदिवसीय अन्तर्राष्ट्रिय खेल समेत खेल्ने सम्भावना छ। क्यानले आज भोलिमै सिरिज बारे अधिकारिक जानकारी गराउने बताईएको छ।

गत वर्ष अक्टोबरमा ओमान र युएईमा आयोजित टि-ट्वान्टी विश्वकपमा सहभागी पपुवा न्यु गिनी टि-ट्वान्टी अन्तर्राष्ट्रिय वरियतामा १९ औं स्थानमा छ। विश्वकपमा पपुवा न्यु गिनी बंगलादेश, स्कटल्याण्ड र ओमानसंग सबै तिन खेलमा पराजित हुँदै पहिलो चरणबाट बाहिर भएको थियो। मलेसिया वरियताको ३३ औं स्थानमा छ। पपुवा न्यु गिनीले पहिलो पटक नेपालमा कुनै सिरिज या प्रतियोगिता खेल्न लागेको हो।

मलेसिया र पपुवा न्यु गिनीसंग त्रिकोणात्मक सिरिज अघि नेपालले मार्चको दोश्रो साता युएईमा विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिज समेत खेल्नेछ। मार्च १६ तारिख देखि ( अधिकारिक रुपमा घोषणा हुन बाँकी ) युएईमा त्रिकोणात्मक सिरिज सकिएपछि नेपालले मलेसिया र पपुवा न्यु गिनीसंग सिरिज खेल्नेछ।

विश्वकप लिग-२ अन्तर्गत नेपालले हालसम्म मात्र ८ वटा खेल खेलेको छ जसमा ४ जित र ४ हार बेहोर्दै ८ अंक सहित छैठौं स्थानमा छ। पपुवा न्यु गिनी र युएईसंग नेपालले पहिलो सिरिज खेल्न लागेको हो। लिग-२ अंकतालिकामा युएई १० खेलमा ५ जित र ३ हार पछि १२ अंक सहित चौंथो स्थानमा छ भने पपुवा न्यु गिनी सबै १२ खेल हार्दै पुछारमा सातौं स्थानमा छ। ओमान २३ खेलमा ३० अंक सहित पहिलो, स्कटल्याण्ड १२ खेलमा १६ अंक सहित दोश्रो, अमेरिका १६ खेलमा १४ अंक सहित तेश्रो, नामिबिया ९ खेलमा १० अंक सहित पाँचौ स्थानमा छ। लिग-२ अंक तालिकाको शिर्ष-३ स्थानमा रहने टिमले २०२३ को विश्वकप छनोट खेल्ने छ भने चौंथो देखि सातौँ स्थानको टिमले छनोट खेल्ने अर्को मौका स्वरूप विश्वकप छनोट प्लेअफ खेल्नेछ।

नेपाली टिम हाल ओमानमा रहेता पनि विश्वकप लिग-२ लाई ध्यानमा राखेर ओमान जाने टिममा नरहेका र क्यानको अनुबन्धमा रहेका खेलाडीहरु जगत टमाटाको प्रशिक्षणमा हाल टियु क्रिकेट मैदान किर्तिपुरमा नियमित अभ्यास गरिरहेका छन्। ओमानको लागि घोषित टिममा नरहेका खेलाडीहरु पनि लगातार टिमसंगै अभ्यास गरिरहेका थिए। सोमपाल कामि र रोहित पौडेल हाल भारतमा अभ्यास गर्न पुगेका छन्।





थप समाचार

चेन्नईमाथि लखनाउको जित

काठमाडौं । चेन्नई सुपर किंग्समाथि १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउ सुपर जायन्ट्सले जित निकालेको छ […]

जडेजाको अर्धशतकमा लखनाउलाई १७७ रनको लक्ष्य

काठमाडौं । अलराउन्डर रविन्द्र जडेजाको अर्धशतकको सहयोगमा चेन्नई सुपर किंग्सले १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउलाई […]

कोशीमाथि बागमतीको रोमान्चक जित

काठमाडौं । काठमाडौं जारी वीर गणेशमान सिंह राष्ट्रिय टी-२० च्याम्पियनशिप अन्तर्गत चौथो दिनको पहिलो खेलमा बागमती प्रदेशले रोमाञ्चक जित दर्ता […]

युएईसंग पराजित हुँदा नेपाल एसिया कप छनोट हुन असफल

काठमाडौं । नेपाललाई स्तब्ध पार्दै ओमानमा जारी दोस्रो संस्करणको एसीसी मेन्स प्रिमियर कपको युएई सेमिफाइनल प्रवेश गरेको छ । यो […]

सन्दीपको अर्धशतकमा युएईलाई १२० रनको लक्ष्य

काठमाडौं । ओमानमा जारी दोस्रो संस्करणको एसीसी मेन्स प्रिमियर कपको पहिलो सेमिफाइनल खेलमा नेपालले सन्दीप जोराको अर्धशतकको सहयोगमा युएईलाई १ […]

नेपालले टस हार्यो, सोमपाल टिममा फर्किए

काठमाडौं । एसीसी मेन्स प्रिमियर कप २०२४ को पहिलो सेमिफाइनल खेलमा युएईविरुद्ध नेपालले टस हारेको छ । युएईका कप्तान मुहम्मद […]