काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको छ।
एन्डरसनले वेस्ट इन्डिजविरुद्धको पहिलो टेस्टबाट सन्यास घोषणा गरेका थिए । एन्डरसनको अन्तिम खेलमा इंग्ल्यान्ड एक इनिङ्स र १ सय १४ रनले विजयी भएको थियो ।
दोस्रो टेस्टमा उनको स्थानमा तीव्र गतिका बलर मार्क वुडलाई टोलीमा समावेश गरिएको छ।
दोस्रो टेस्ट बिहीबारबाट नटिङ्घममा सुरु हुनेछ ।
दोस्रो टेस्टका लागि इंग्ल्याण्डको टोली :
बेन स्टोक्स (कप्तान), गस एटकिन्सन, शोएब बशीर, ह्यारी ब्रुक, ज्याक क्राउली, बेन डकेट, ड्यान लरेन्स, डिलन पेनिंगटन, ओली पोप, म्याथ्यु पोट्स, जो रुट, जेमी स्मिथ, क्रिस वोक्स र मार्क वुड ।