म्याक्सवेल र स्टेनलेकको प्रदर्शनमा अस्ट्रेलियाको सहज जित

  • विकेटनेपाल, माघ २० – शनिबार

न्युजिल्याण्ड, इंग्ल्याण्ड र आयोजक अस्ट्रेलिया सम्मिलित त्रिकोणात्मक टी-२० क्रिकेटको सिरिज आजदेखि अस्ट्रेलियामा सुरु भएको छ ।सिरिजको पहिलो खेलमा अस्ट्रेलियाले न्युजिल्याण्डलाई ७ विकेटले पराजित गर्यो।

अस्ट्रेलियाको इनिंग

सिड्नी क्रिकेट मैदानमा बर्षाले प्रभावित खेलमा अस्ट्रेलियाले डीएलएस मेथडको आधारमा १५ ओभरमा ९५ रनको लक्ष्य पाएको थियो जुन उसले मात्र ११.३ ओभरमा ३ विकेट मात्रै गुमाएर पुरा गर्यो ।

अस्ट्रेलियाको जितमा क्रिस लिन र ग्लेन म्याक्सवेलले तेस्रो विकेटको लागि ७७ रनको साझेदारी गर्दै जित तय गरेका थिए। लिनले ४४ रन बनाउनेक्रममा ३३ बलमा ६ चौका र १ छक्का तथा म्याक्सवेलले अविजित ४० रन बनाउन २४ बलमा ५ चौका र १ छक्का प्रहार गरे ।

न्युजिल्याण्डका लागि ट्रेन्ट बोल्टले २ विकेट लिन १४ रन खर्चिए।

न्युजिल्याण्डको इनिंग

यसअघि टस हारेर पहिले ब्याटिंग गरेको न्युजिल्याण्डले २० ओभरको समाप्तीमा ९ विकेट गुमाएर ११७ रनको योगफल तयार पारेको थियो। उसका लागि कोलिन डी ग्राण्डहोमले सर्बाधिक रन प्रहार गर्ने  क्रममा अविजित ३८ रन (२४ बल, १ चौका, ३ छक्का) बनाए।

त्यस्तै रोस टेलरले २४ रन तथा टोम ब्लुन्डेलले १४ रन बनाउदा न्युजिल्याण्डले १२ अतिरिक्त रन पाएको थियो। अन्य ब्याट्सम्यानहरु दोहोरो अंक बनाउनबाट चुके।

न्युजिल्याण्डलाई सस्तैमा रोक्न एन्ड्रीउ टाईले ४ विकेट लिन २३ रन खर्चिए भने बिल्ली स्टेनलेकले ३ विकेट लिन १५ रन खर्चिए। मार्टिन गुप्टिल, कोलिन मुन्द्रो र टोम ब्रुसलाई आउट गर्दै मात्र १५ रन खर्चेका स्टेनलेक म्यान अफ द म्याच घोषित भए ।

सिरिज अन्तर्गत दोश्रो खेल फेब्रुअरी ७ तारिखमा अस्ट्रेलिया र इंग्ल्याण्डबीच हुनेछ।





थप समाचार

नेपाललाई स्तब्ध बनाउँदै नेदरल्यान्ड्स च्याम्पियन

काठमाडौं । नेपाललाई हराउँदै नेदरल्यान्ड्सले त्रिदेशीय सिरिजको उपाधी जितेको छ । नेपाल, नामिबिया र नेदरल्यान्ड्स सहभागी सिरिजमा घरेलु टाेलीलाइ स्तब्ध […]

च्याम्पियन बन्न नेदरल्यान्ड्सलाई १ सय ८५ रनको लक्ष्य

काठमाडौं । राजधानीमा जारी त्रिदेशीय टी-ट्वान्टी आई सिरिजको च्याम्पियन बन्न नेपालले नेदरल्यान्ड्सलाई १ सय ८५ रनको लक्ष्य दिएको छ । […]

नेपालले टस जित्यो

काठमाडौं । नेपालले नेदरल्यान्ड्सविरुद्ध टस जितेको छ । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल […]

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]