एमसीसी बिरुद्ध रुबिनाको ह्याट्रिक

कप्तान रुबिना क्षेत्रीले घातक बलिंग गर्दै ह्याट्रिक लिंदा नेपाल भ्रमणमा रहेको मेरिलेबोन क्रिकेट क्लब ( एमसीसी ) लाई नेपाल क्रिकेट संघ  मिश्रित-११ ( क्यान ११ ) ले १९ रनले पराजित गरेको छ।

पोखरा स्थित पोखरा रंगशाला क्रिकेट मैदानमा सम्पन्न खेलमा नेपालले दिएको १०० रनको लक्ष्य पछ्याएको एमसीसीले १९.५ ओभरमा सबै विकेट गुमाएर ८० रन बनायो।

दोश्रो इनिंग्सको अन्तिम ओभरमा कप्तान रुबिना क्षेत्रीले लगातार ४ बलमा ४ विकेट हात पारिन्। ओभरको दोश्रो देखि पाँचौ बल सम्म रुबिनाले लगातार चार ब्याटरलाई बोल्ड गरिन्।

रुबिनाले ३ ओभर बलिंग गर्दै १० रन खर्चेर ५ विकेट हात पारिन्। कविता कुँवर र नेरी थापाले २/२ तथा सिता राना मगरले १ विकेट हात पारिन्। एमसीसीको ब्याटिंगमा ई हब्बार्डले सर्वाधिक २० रन तथा ए व्हाईब्रोले १९ रन रन बनाईन्।

यस अघि टस जितेर ब्याटिंग गरेको नेपालले २० ओभरमा ९ विकेट गुमाएर ९९ रन बनायो।

खराब सुरुवात गरेको नेपालले पहिलो ५ विकेट २६ रन बनाउदा गुमायो। त्यसपछि नेरी थापा र सुमन खतिवडाले छैठौं विकेटको लागि ३१ रनको साझेदारी गरे। चौधौं ओभरमा सुमन १६ रन बनाएर आउट भईन्। १८ रन बनाएकी नेरी सोह्रौं ओभरमा आउट भईन्। अन्तिममा कविता कुँवरले १७ रन बनाउदै नेपालको योगफल सय नजिक पुर्याईन्। कविता अन्तिम ओभरमा आउट भईन्। यस अघि सम्झना खड्काले १७ तथा सिता राना मगरले १० रन योगदान दिए। नेपालले अतिरिक्तको रुपमा १६ रन पायो।

एमसीसीको बलिंगमा रचेल पोटरले ३ तथा रिया रभाल र अमन्दा पोटजीटरले २/ विकेट लिए।

भ्रमण अन्तर्गत एमसीसीले क्यान-११ संग आगामी खेल शनिवार खेल्नेछ। आइतबार मिश्रित-११ संग तथा मंगलबार क्यान-११ संग खेल हुनेछ। यस अघि काठमाडौँमा सम्पन्न दुई वटा खेलमा एमसीसीले नेपालको मिश्रित-११ संग १०७ रनको हार बेहोरेको थिओ भने आईसीसी अन्डर-१९ टिम लाई १६ रनले पराजित गरेको थियो।





थप समाचार

क्यानडाले पछि पार्यो नेपाललाई

काठमाडौं । विश्वकप लिग टू को अंक तालिकामा क्यानडाले नेपाललाई पछि पारेको छ । युएईमा आजबाट सुरु युएई, क्यानडा र […]

पाँचपोखरी टी-ट्वान्टी प्रतियोगिता : कर्माको ह्याट्रिकमा पाँचपोखरीको सहज जित

काठमाडौं । छैटौँ संस्करणको पाँचपोखरी टी-ट्वान्टी जिल्लास्तरीय क्रिकेट प्रतियोगिताको पाँचौं दिनको खेलमा पाँचपोखरी हिमालयन क्रिकेट क्लब र मेलम्ची नगरपालिका विजयी […]

दाङ क्रिकेट लिग : घोराहीको जितमा दिपेश उत्कृस्ट, दिवान चम्किंदा तुलसीपुर विजयी

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बुधबार सम्पन्न तेश्रो दिनको दुई खेलमा तुलसीपुर रोयल्स र घोराही टाइगर्स […]

रोहित र दीपेन्द्रको अर्धशतक बाबजुद नेपाल पराजित

काठमाडौं । कप्तान रोहित पौडेल र अलराउण्डर दीपेन्द्रसिंह ऐरीको अर्धशतकका बाबजुद नेदरल्यान्ड्सले नेपाललाई पराजित गरेको छ । टियु क्रिकेट मैदान […]

लेभेन्टको अर्धशतकमा नेपाललाई १८५ रनको लक्ष्य

काठमाडौं । ओपनर माईकल लेभेन्टको अर्धशतकको सहयोगमा नेदरल्यान्ड्सले जितका लागि नेपाललाई १ सय ८५ रनको लक्ष्य दिएको छ । टियु […]

नेपालले टस जित्यो, ललित टिममा फर्किए

काठमाडौं । नेपाली टोलीले दोस्रो खेलमा बुधबार नेदरल्यान्ड्सविरुद्ध टस जितेको छ । टियु क्रिकेट मैदानमा कीर्तिपुरमा नेपालका कप्तान रोहितकुमार पोडेलले […]