- विकेटनेपाल, माघ १७ – बुधबार
बंगलादेशमा बुधबारदेखि सुरु भएको श्रीलंका र बंगलादेशबिचको टेस्ट सिरिजको पहिलो खेलमा बंगलादेशले बलियो सुरुवात गरेको छ ।
पहिलो दिनको समाप्तीमा बंगलादेश ४ विकेट गुमाएर ३७४ रनको स्कोरमा छ जसका मोमिनुल हक अविजित १७५ (२०३ बल, १६ चौका, १ छक्का) तथा महमदुल्लाह अविजित ९ रन (२० बल, २ चौका) बनाएर खेलिरहेका छन् ।
चटगाउँमा टस जितेर पहिले ब्याटिंग गर्ने निर्णय गरको बंगलादेशका लागि ओपनर तामिम इकबालले अर्धशतक प्रहार गर्दै राम्रो सुरुवात दिलाए । ५२ रन बनाउन ५३ बल सामना गरेका उनले ६ चौका र १ छक्का प्रहार गरे ।
पहिलो विकेटका लागि इकबाल दिलारुवान परेराको बलमा आउट हुनुअघि इमरुल केय्ज मिलेर ७२ रनको साझेदारी गरेका थिए । केय्जले ४० रन (७५ बल, ४ चौका) बनाए ।
दुवै ओपनर १२०/२ को स्कोरमा आउट भएपछी मोमिनुल हक र मुश्फिकर रहिमले तेस्रो विकेटका लागि २३६ रनको साझेदारी गरे । १९२ बलको सामना गर्दा १० चौका प्रहार गरेका रहिम सुरंगा लाकमलको बलमा आउट हुँदा शतक बनाउनबाट मात्र ८ रनले चुके ।
रहिम आउट भएपछी आएका लिट्टोन दास पहिलो बलमानै लकमलकै सिकार बन्न पुगेका थिए ।
श्रीलंकाका लागि सुरांगा लकमलले २ विकेट (१७-३-४३-२) तथा दिलारुवान परेरा र लक्षण संदाकनले १/१ विकेट लिएका छन्।
जारि श्रीलंकाको बंगलादेश भ्रमण अन्तर्गत जिम्बाबे समेत सम्मिलित त्रिकोणात्मक एकदिवसीय सिरिज श्रीलंकाले उपाधी जित्दै सकिएको थियो। यी दुई टोलिबीच २ टेस्ट तथा २ टी-२० क्रिकेट को सिरिज चल्ने छ ।
(Pictures: @ICC)
