आईपीएल टिम कोलकाता नाइट राइडर्सका कप्तान ओएन मोर्गनलाई चेन्नाई सुपर किंग्ससंग बुधबार राति सम्पन्न खेलमा ‘स्लो ओभर रेट’ कायम गरेकाका कारण १२ लाख भारतीय रुपैयाँ जरिवाना गरिएको छ। जारि सिजन मोर्गनले पहिलो पटक यो सजाय भोगेका हुन्।
यस अघि चेन्नाई सुपर किंग्सका कप्तान महेन्द्र सिंह धोनी र मुम्बई इन्डीयन्सका कप्तान रोहित शर्मालाई उक्त जरिवाना गरिएको थियो।
आईपीएलको गाइडलाइनका अनुसार पहिलो पटक ‘स्लो ओभर रेट’ मा कारवाहीमा परे १२ लाख भारु जरिवाना तिर्नुपर्छ भने दोश्रो पटक भए दोब्बर २४ लाख भारु तिर्नुपर्ने हुन्छ। यस्तै कप्तान बाहेक टिमको अन्तिम-११ मा भएका अन्य सदस्यहरुले समेत म्याच फिको २५ प्रतिशत जरिवाना तिर्नु पर्नेहुन्छ। तेश्रो पटकको गल्तिमा कप्तान एउटा खेलको लागि प्रतिबन्धमा पर्छ भने ३० लाख भारु जरिवाना तिर्नु पर्छ भने अन्तिम-११ मा भएका अन्य सदस्यहरुले म्याच फिको ५० प्रतिशत जरिवाना तिर्नु पर्ने हुन्छ।
आईपीएलको कोड अफ काण्डक्टका अनुसार कप्तानले अन्य तरिकाले बाधा नआएको खेलमा कम्तिमा १ घण्टामा १४.१ ओभर बलिंग गरिसकेको हुनुपर्छ जसमा टाईम आउटको समय जोडीदैन। टिमले ९० मिनेटमा २० ओभरको कोटा समाप्त गर्नुपर्ने हुन्छ। गत सिजन खेलहरु निर्धारित समय भन्दा ढिला सकिएकोले आईपीएल आयोजकले ओभर रेटको कडा नियम लागु गरेको हो।
यो पनि पढ्नुस
https://wicketnepal.com/ipl-14-m15-report-wn21/
https://wicketnepal.com/nepali-rhinos-upadhi-40-hajar-dollar/
https://wicketnepal.com/sandeep-sarwadhik-wiketkarta-wn21/
