कोलिन मुनरो र इफ्तिखार एहमदले आक्रामक ब्याटिंग गर्दा पाकिस्तान सुपर लिग अन्तर्गत २२ औं खेलमा इश्लामावाद युनाइटेडले ८ विकेटको शानदार जित दर्ता गरेको छ।
शेख जायद स्टेडिय अबुधाबीमा सम्पन्न खेलमा कराची किंग्सले दिएको १९१ रनको लक्ष्य इश्लामावादले २ विकेट गुमाएर ८ बल बाँकी रहँदै भेटायो।
इश्लामावादका ओपनर उस्मान ख्वाजा १२ तथा मुहम्मद अख्लक १ रन बनाएर आउट भएपछि अर्का ओपनर कोलिन मुनरो र इफ्तिखार एहमदले अविजित रहँदै टिमलाई जितसम्म पुर्याए। दुवैले मात्र १३.१ ओभरमा १४० रनको उत्कृस्ट साझेदारी गरे।
मुनरोले ५६ बलमा १२ चौका र २ छक्का मद्दतले अविजित ८८ रन तथा एहमदले ३९ बलमा ५ चौका र ५ छक्का मद्दतले ७१ रन बनाए। मुनरोले यस अघि क्वेटा बिरुद्ध जितमा पनि अविजित ९० रन बनाएका थिए।
Men of steel, sherus of @IsbUnited! #MatchDikhao l #HBLPSL6 I #IUvKK pic.twitter.com/PNj10hmaIS
— PakistanSuperLeague (@thePSLt20) June 14, 2021
यस अघि शेख जायद स्टेडियम अबुधाबीमा टस हारेर ब्याटिंग गरेको कराचीले निर्धारित २० ओभरमा ४ विकेट गुमाएर १९० रन बनाएको थियो।
कराचीको लागि कप्तान बाबर आजमले सर्वाधिक ८१ रन बनाए जुन क्रममा ५४ बलमा ७ चौका र ३ छक्का प्रहार गरे। यस्तै नजीबुल्लाह जद्रानले अविजित ७१ रन बनाए जुन क्रममा ४२ बलमा ५ चौका र ४ छक्का प्रहार गरे। शर्जिल खानले २५ रन बनाए। बाबर र नजीबुल्लाहले तेश्रो विकेटको लागि ११७ रको साझेदारी गरेका थिए। बाबरलाई १९ औं ओभरमा हसन अलिले क्याच आउट गराए।
इस्लामावादको बलिंगमा हसन अलि, मोहम्मद वासिम, अलि खान र अकिफ जाभेदले समान १ विकेट लिए।
अंकतालिका
जितपछि इस्लामावाद लिग अंकतालिकाको शिर्ष स्थानमा कायमै गरेको छ जसले ८ खेलमा ६ जित र २ हार पछि १२ अंक बटुलेको छ। हारपछि कराची ७ खेलमा ३ जित र ४ हार बेहोर्दै ६ अंकका साथ चौथो स्थानमा यथावत रहेको छ।