मुथैया मुरलीधरनसंगै एउटै प्रतियोगितामा मेहबुब र पारस खेल्ने

• विकेटनेपाल, १७ असार

सिंगापुरमा अगस्ट ११ देखि १३ सम्म आयोजना हुने पाँचौ सिंगापुर क्रिकेट क्लब इन्टरनेसनल टि-२० क्रिकेट प्रतियोगितामा कीर्तिमानी श्रीलंकन बलर मुथैया मुरलीधरन संगै पारस खड्का र मेहबुब आलमले समेत सहभागिता जनाउने भएका छन् l

पारस खड्का र मेहबुब आलम दुवै सिंगापुर इमर्जिंग स्टार टिमबाट खेल्नेछन् भने मुरलीधरन खेल्ने क्लबको टुंगो लागिसकेको छैन l

प्रतियोगितामा आफ्नो सहभागिताको घोषणा मेहबुब आलमले शुक्रबार फेसबुक मार्फत गरेका थिए l आलमले प्रतियोगिता खेल्ने मौका पाएकोमा खुसि ब्यक्त गर्दै खेल्ने अवसर मिलाइदिने सिंगापुर रास्ट्रिय क्रिकेटर समेत रहेका धर्मीचन्द मुलेवालाई धन्यवाद दिएका छन् l

प्रतियोगितामा कुल ८ टोलिले सहभागिता जनाउदै छन् l अस्ट्रेलियाबाट सिड्नी क्रिकेट क्लब र मेलबर्न क्रिकेट क्लब, दक्षिण अफ्रीकाको रोलिन क्रिकेट क्लब, श्रीलंकाको सिंहालिज स्पोर्ट्स क्लब, हंगकंगको काउलुन क्रिकेट क्लब, भारतको  मद्रास क्रिकेट क्लब तथा सिंगापुरको सिंगापुर क्रिकेट क्लब र सिंगापुर इमर्जिंग स्टार टोलिले प्रतियोगिता खेल्ने निश्चित भइसकेको छ l

हाल अमेरिकामा रहेका पारसले सिंगापुरमा इमर्जिंग स्टार टिमबाट टि-२० प्रतियोगिता खेल्ने कान्तिपुरलाई बताएका छन् l

सिंगापुर इमर्जिंग स्टार टिममा सिंगापुर रास्ट्रिय क्रिकेटर, एसोसियट रास्ट्रका खेलाडीहरु सम्मेलित हुने क्लबले आफ्नो फेसबुक पेज मार्फत जानकारी दिएको छ l

सिंगापुर क्रिकेट क्लब सन् १८५२ मा स्थापना भएको हो जसको अध्यक्ष पुष्पेन्द्र सहारा हुन् l प्रतियोगितालाई सिंगापुर क्रिकेट एसोसिएसनले प्रमाणित गरिसकेको सिंगापुर क्रिकेट क्लबले बताएको छ l

प्रतियोगितामा सहभागी हुने हंगकंगको काउलुन क्रिकेट क्लबमा ७ जना हंगकंग रास्ट्रिय क्रिकेटर रहने बताईएको छ l वकास बर्कातको कप्तानी तथा बाबर हयात, निजकत खान, लगायत हंगकंग रास्ट्रिय क्रिकेटरहरु सहभागी हुनेछन् l

यो पनि पढ्नुस :-

•  फोटोहरुमा हेर्नुस शरद र निशाको प्रेम सम्बन्ध
• बेहुला बेहुलीको रुपमा यस्तो देखियो निशा र शरदको जोडी