राजस्थान रोयल्सका तिब्र गति बलर जोफ्रा आर्चर आईपीएल २०२० को सबैभन्दा मूल्यवान खेलाडी (Most Valuable Player ) घोषित भएका छन्।
आर्चरले लिगमा १४ खेलमा १६.७० को स्ट्राइक रेट र १८.२५ को औशतले प्रतिओभर ६.५५ रन खर्चेर २० विकेट लिएका थिए। यस क्रममा उनले ५५.४ ओभर बलिंग गर्दा १७५ डट बल फालेका थिए। यस्तै उनले ब्याटिंगमा १८.८३ को औशत र १७९.३६ को स्ट्राइक रेटमा ११३ रन बनाएका थिए। कुल १० छक्का हिर्काएका उनले ५ वटा क्याच लिएका थिए।
आर्चर मूल्यवान खेलाडी चुनिएता पनि उनको टिम राजस्थान भने लिग अंकतालिकामा पुछारमा रह्यो। लिग इतिहासमै पहिलो पटक अंकतालिकामा पुछारमा रहेको टिमको खेलाडीले मूल्यवान खेलाडी अवार्ड जितेका हुन्। आर्चरले कुनै पनि खेलमा प्लेयर अफ द म्याच अवार्ड भने जितेनन्।
🏆 #IPL2020 MVP
☝ 20 x wickets
🏏 10 x sixes
🤲 5 x catches🙌 1 x @JofraArcher pic.twitter.com/7ZYnMVmRbV
— England Cricket (@englandcricket) November 10, 2020
कसले के अवार्ड जिते
अरेन्ज क्याप : केएल राहुल ( किंग्स-११ पन्जाब ) राहुलले कुल ६७० रन बनाउदै पहिलो पटक अरेन्ज क्याप जित्न सफल भए। उनले १४ खेलमा ५५.८३ को औशत, १२९.३४ को स्ट्राइक रेटमा १ शतक र ५ अर्धशतक प्रहार गरे।
पर्पल क्याप : कागीसो रबाडा ( दिल्ली क्यापिटल्स ) रबाडाले कुल ३० विकेट लिएर पर्पल क्याप पहिलो पटक जित्न सफल भए। उनले १७ खेलमा १८.२६ को औशत र १३.१३ को स्ट्राइक रेटले उक्त विकेट लिए जुन क्रममा २ पटक एकै इनिंगमा ४ विकेट लिए।
“पावरप्लेयर” : ट्रेन्ट बोल्ट ( मुम्बई इन्डीएन्स ) पावरप्लेको ओभरमा उत्कृस्ट प्रदर्शन गरेका उनले ५ पटक यो अवार्ड जित्दै यो सिजनको “पावरप्लेयर” घोषित भए।
सर्वाधिक छक्का : इशान किशन ( मुम्बई इन्डीएन्स ) कुल ३० छक्का प्रहार गर्दै किशन सर्वाधिक छक्का हिर्काउने खेलाडी भए।
सुपर-स्ट्राइकर : काईरन पोलार्ड ( मुम्बई इन्डीएन्स ) १९१.४२ को सर्वाधिक स्ट्राइक रेटले १६ खेलमा २६८ रन बनाएका काइरन पोलार्ड सिजनको ‘सुपर स्ट्राइकर’ घोषित भए।
गेम चेन्जर : केएल राहुल ( किंग्स-११ पन्जाब )
फेयरप्ले अवार्ड : मुम्बई इन्डीएन्स
उदयमान खेलाडी : देभदत्त पडीक्कल ( रोयल च्यालेन्जर्स बैंगलोर ) यो सिजन डेब्यु गरेका पडीक्कलले ५ अर्धशतक प्रहार गर्दै कुल ४७३ रन बनाए जसले उदयमान खेलाडीको अवार्ड पाए।
म्यान अफ द फाइनल : ट्रेन्ट बोल्ट ( मुम्बई इन्डीएन्स )
https://wicketnepal.com/mi-vs-dc-ipl2020-final-report-wn20/
https://wicketnepal.com/pak-vs-zim-3rd-t20i-wn20-report/
