युएईसंग ७ रनले पराजित हुँदा नामिबिया टि-ट्वान्टी विश्वकप २०२२ को पहिलो चरणबाट बाहिर भएको छ।
नामिबिया बाहिर हुँदा नेदरल्याण्ड समुह ‘ए’ बाट सुपर-१२ चरण प्रवेश गरेको छ। यस अघिनै श्रीलंका समुह विजेताको रुपमा सुपर -१२ पुगीसकेको छ। श्रीलंका र नेदरल्याण्डले ३ खेलमा समान २ जित र १ हार बेहोरेता पनि नेट रन रेटमा श्रीलंका समुह विजेता रह्यो। नामिबिया र युएईले ३ खेलमा १ जित र २ हार बेहोर्दै २ अंक बटुले।
अस्ट्रेलियाको जिलोंगमा सम्पन्न खेलमा युएईले दिएको १४९ रनको लक्ष्य पछ्याएको नामिबियाले २० ओभर ब्याटिंग गरेता पनि ८ विकेट क्षेतीमा १४१ रन मात्र बनायो। पहिलो दुई खेलमा पराजित युएई सान्त्वना जित सहित प्रतियोगिताबाट बाहिर भयो।
लक्ष्य पछ्याउने क्रममा नामिबियाको सुरुवात खराब रह्यो। ६७ रन जोड्दा उसले ६ विकेट गुमायो। सातौँ नम्बरमा ब्याटिंग गर्न आएका डेभिड विजाए नवौं नम्बरका रुबेल ट्रंपलम्यानसंग अर्धशतकीय साझेदारी गर्दै टिमलाई उकासे। ३३ रन बनाउदा विजाको क्याच मुहम्मद वासिमले छाडेपछि विजाले ३१ बलमा अर्धशतक पुरा गरे।
अतिम २ ओभरमा जित्न २० रन आवस्यक हुँदा उन्नाईसौं ओभरमा जहुर खानले मात्र ६ रन खर्चिए। अन्तिम ओभरमा जित्न १४ रन आवस्यक रह्यो। अन्तिम ओभरमा मुहम्मद वासिमले कसिलो बलिंग गरे र पहिलो ३ बलमा ४ रन मात्र खर्चिए। चौंथो बलमा डेभिड विजालाई क्याच आउट पर्दै वासिमले ७० रनको साझेदारी तोड्दै युएईलाई खेलमा फर्काए। अन्तिम २ बलमा २ रन मात्र खर्चदै वासिमले युएईलाई जित दिलाए।
डेभिड विजाले ३६ बलमा ५५ रन तथा रुबेन ट्रंपलम्यानए अविजित २५ रन बनाएता पनि नामिबियालाई जीत दिलाउन सकेनन्।
युएई बलर बसिल हमिद र जहुर खानले २/२ विकेट लिए। जहुर खान, कार्तिक मैयेप्पा र मुहम्मद वासिमले १/१ विकेट लिए।
यस अघि टस जितेर ब्याटिंग गरको युएईले २० ओभरमा ३ विकेट क्षेतीमा १४८ रन बनायो।
युएईको लागि ओपनर मुहम्मद वसिमले सर्वाधिक ५० र बनाए। कप्तान चुन्दनगापोयील रिजवानले अविजित ४३, बसिल हमिदले अविजित २५ तथा भृत्य अरविन्दले २१ रन बनाए। दोश्रो विकेटको लागि रिजवान र वासिम बीच ५८ रनको साझेदारी गरेका थिए।
नामिबियाको बलिंगमा डेभिड विजा, बर्नार्ड स्कल्ज र बेन शिकोंगोले १/१ विकेट लिए।
प्रतियोगिता अन्तर्गत आज सम्पन्न समुह ‘ए’ अन्तर्गतको खेलमा श्रीलंकाले नेदरल्याण्डलाई १६ रनले पराजित गर्यो। श्रीलंकाले दिएको १६३ रनको लक्ष्य पछ्याएको नेदरल्याण्डले २० ओभरमा ९ विकेट क्षेतीमा १४६ रन मात्र बनाउन सक्यो। श्रीलंकाको लागि प्लेयर अफ द म्याच घोषित कुशल मेन्डिसले ४४ बलमा ७९ रनको योगदान दिए भने बलिंगमा वानिन्दु हसरंगाले ३ तथा महेश तिक्षनाले २ विकेट लिए। म्याक्स ओ डोडले अविजित ७१ रन बनाएता पनि नेदरल्याण्डलाई जित दिलाउन सकेनन्।
