काठमाडौं । नवौ संस्करणको टी-२० विश्वकपको तेस्रो खेलमा ओमानले नामिबियाविरुद्ध पहिले ब्याटिङ गर्ने भएको छ ।
वेस्ट इन्डिजको बारबाडोसमा भएको टसमा नामिबिया कप्तान ग्रेहार्ड इरास्मसले टस जितेर बलिङ रोजेपछि ओमानले पहिले ब्याटिङ गर्दैछ ।
नामिबियाको टी-२० विश्वकपमा यो लगातार तेस्रो सहभागीता हो । २०२१ मा पहिलो पटकको सहभागीतामा सुपर १२ मा स्थान बनाउँन सफल नामिबियाले गत संस्करणको आफ्नो पहिलो खेलमा श्रीलंकालाई पराजित गर्दै ठूलो सफलता हात पारेको थियो । नामिबिया अफ्रिका महादेश छनोटबाट शीर्ष दुईमा रहेर विश्वकपमा छनोट भएको हो ।
यता, तेस्रो पटक विश्वकप खेल्दै गरेको ओमान एसिया क्षेत्र छनोटको बिजेता बन्दै विश्वकपमा छानिएको हो । ओमानले छनोटको फाइनलमा नेपाललाई सुपर ओभरमा पराजित गरेको थियो ।
ओमान र नामिबियाबीच टी-२० आईको पछिल्लो पाँच खेलमा नामिबिया तीन तथा ओमान दुई खेलमा विजयी भएको छ ।
