काठमाडौँमा जारि काठमाडौँ मेयर्स कप एकदिवसीय प्रतियोगिता अन्तर्गत चौथो दिन टियु मैदानमा जारि खेलमा बागमती प्रदेश र एपीएफ क्लब प्रतिस्पर्धा गरिरहेका छन्।
खेलमा टस जितेर एपीएफले बागमतीलाई ब्याटिंगको निम्तो दिएपछि पुरै ५० ओभर ब्याटिंग गर्दै बागमतीले ६ विकेट गुमाएर २३३ रन बनाएको छ।
बागमतीको ब्याटिंगमा नन्दन यादवले सर्वाधिक अविजित ६० रन बनाए जुन क्रममा ५६ बलमा ७ चौका र २ छक्का प्रहार गरे। यस्तै कप्तान ज्ञानेन्द्र मल्लले ८४ बलमा ७ चौका प्रहार गर्दै ५७ रन बनाए। आदील खानले ३४, इशान पाण्डेले ३१ तथा पारस खड्काले २९ रन बनाए।
ओपनर आकाश थापा १ रन बनाएर आउट भएपछि ज्ञानेन्द्र मल्ल र पारस खड्काले दोश्रो विकेटको लागि ४९ रनको साझेदारी गरे। १७ औं ओभरमा पारसलाई बसन्त रेग्मीले क्याच आउट गराए। त्यसपछि ज्ञानेन्द्र र इशान पाण्डेले ४८ रनको साझेदारी गरे। २८ औं ओभरमा मल्ललाई अमर सिंह रौटेलाले क्याच आउट गराए। त्यसपछि फर्ममा रहेका पृथु बास्कोटा मात्र ५ रन बनाएर रौटेलाबाट क्याच आउट भए। ३५ औं ओभरमा इशानलाई किशोर महतोले क्याच आउट गर्दै एपीएफलाई खेलमा हावी गरे।
त्यसपछि आदील खानले छैठौं विकेटको लागि नन्दन यादबसंग ७३ रनको साझेदारी गर्दै योगफल २ सय पार गराए। ४७ औं ओभरमा आदीललाई किशोरले क्याच आउट गरे। त्यसपछि नन्दनले अन्तिमसम ब्याटिंग गरे।
एपीएफको बलिंगमा किशोर महतो ( १०-२-४८-२ ) र अमर सिंह रौटेलाले ( १०-०-५१-२ ) समान २ विकेट लिए। अविनाश बोहरा ( १०-१-४१-१ ) र बसन्त रेग्मी ( १०-२-२९-१ ) ले समान १ विकेट लिए।
प्रतियोगितामा एपीएफले यस अघि खेलेको दुवै खेलमा जित दर्ता गरेको थियो जुन क्रममा नेपाल पुलिस क्लब र त्रिभुवन आर्मी क्लबलाई पराजित गरेको थियो। बागमतीले भने दुवै खेलमा हार बेहोरेको थियो जुन क्रममा काठमाडौँ मेयर्स-११ र नेपाल पुलिस क्लबसंग पराजित भएको थियो।
https://wicketnepal.com/dhoni-abaddha-seven-jodiyo-wn21/
https://wicketnepal.com/army-beat-km11-wn21/
https://wicketnepal.com/ipl-khel-talika-wn21-aayo/