भरतपुर मेयर कप क्रिकेट सुरु, नवलपुरको विजयी सुरुवात

चितवन, चैत १४–

‘भरतपुर मेयर कप’ एक दिवसीय क्रिकेट प्रतियोगिता आज (सोमबार)देखि सुरु भएको छ । नारायणी एड्भर्डटाइजिङ एण्ड इभेन्ट्स प्रालिको आयोजनामा रामपुरस्थित गौतमबुद्ध अन्तर्राष्ट्रिय क्रिकेट रङ्गशालामा प्रतियोगिता सुरु भएको हो ।

प्रतियोगिताको भरतपुर महानगर प्रमुख रेनु दाहालले उद्घाटन गर्दै निर्माण रोकिएको रङ्गशालाको विषयमा छिट्टै नै शुभ समाचार सुन्न पाइने बताउनुभयो । धुर्मुश–सुन्तली फाउण्डेशनले निर्माण सुरु गरेर बीचमा छोडेपछि काम रोकिएको रङ्गशालाका पुरानो ऋणका कारण तत्काल काम सुरु गर्न नसकिएको उहाँको भनाइ थियो । ऋणका लागि मन्त्रिपरिषदमा लैजानु पर्ने भएकाले निर्माणमा ढिलाइ भएको उहाँले बताउनुभयो ।

चैत १७ गते सम्म सञ्चालन हुने सो प्रतियोगितामा चितवन, मकवानपुर र नवलपुर गरी तीनवटा समुह सहभागी भएका छन् । प्रतियोगितामा प्रथम र द्वितीय हुने समुहले ट्रफी, मेडल र प्रशंसा पत्र प्राप्त गर्ने छन् । उत्कृष्ट अङ्क ल्याउने दुई समूह फाइनलमा जाने आयोजक एड्भर्डटाइजिङ एण्ड इभेन्ट प्रालीका अध्यक्ष राजु चौधरीले जानकारी दिनुभयो ।

यसैबीच प्रतियोगितामा नवलपुरले विजयी सुरुवात गरेको छ । उद्घाटन खेलमा घरेलु टोली चितवनलाई ४ विकेटले पराजित गर्दै नवलपुरले विजयी सुरुवात गरेको हो ।

चितवनले दिएको १८९ रनको लक्ष्य पछ्याएको नवलपुर २८.५ ओभरमा ६ विकेट गुमाउँदै १९० रन बनाएर जित हात पा¥यो । नवलपुरको जितमा सुभम खरेलले ६१ रनको अर्धशतकीय पारी खेले । ३६ बलमा ६१ रन बनाएका खरेल प्लेयर अफ दि म्याच घोषित भए । यस्तै रोबिन तिमिल्सिनाले ४२, दीपक डुम्रेले २४, विदुर पुनले २० रन बनाए ।

चितवनका लागि बाबुराम भट्टराई कृजन गुरुङले २/२ विकेट लिए भने दिपेश श्रेष्ठ र डानिस इकबालले समान एक÷एक विकेट लिए ।
यसअघि टस जितेर पहिले व्याटिङ गरेको चितवनले ४५.५ ओभरमा १८८ रन बनाउँदै अलआउट भएको थियो । चितवनका लागि स्वप्नील अधिकारीले ४२, साकार ढकालले ४० र हेमराज पौडेलले २० रन बनाए ।

नवलपुरका लागि किशोर महतो, अबिनास सापकोटा, विशाल पौडेल र रिजन काफ्लेले समान २/२ विकेट लिए भने शिशिर भुषाल र कमल परियारले एक/एक विकेट लिए ।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]