१२ औं संस्करणको एनकासा इन्टर फर्म क्रिकेट प्रतियोगिता अन्तर्गत तेश्रो दिन चारवटा खेलहरु सम्पन्न भएका छन्।
ललितपुर स्थित पुल्चोक इन्जिनियरिङ मैदानमा सम्पन्न भएका आजको खेलहरुमा केएएस ए युपीबि युथ, सुजन काफ्ले एण्ड एसोसिएट्स, शंकर एसोसिएट्स र अनिश एण्ड एसोसिएट्स विजयी भएका छन्।
आज सम्पन्न पहिलो खेलमा केएएस ए युपीबि युथ ( KASA UPB YOUTH ) ले केजे एण्ड एसोसिएट्स ( K.J. & ASSOCIATES ) लाई १६ रनले पराजित गर्यो। ८८ रनको लक्ष्य पाएको केजेले ७१ रन मात्र बनाउन सक्यो। प्लेयर अफ द म्याच घोषित किरन केसीले २९ रन बनाए।
आजको दोश्रो खेलमा सुजन काफ्ले एण्ड एसोसिएट्सले ( SUJAN KAFLE & ASSOCIATES ) एनएआरएस एण्ड केएमयु ( NARS & KMU ) लाई २२ रनले पराजित गर्यो। ७४ रनको लक्ष्य पछ्याउने क्रममा एनएआरएसले ५१ रन मात्र बनायो। प्लेयर अफ द म्याच घोषित आशिष कर्णले ५ विकेट लिए।
आजको तेश्रो खेलमा शंकर एसोसिएट्सले ( SHANKAR ASSOCIATES ) एसपीएसएलाई ( SPSA ) ९ विकेटले पराजित गर्यो। ६९ रनको लक्ष्य शंकरले मात्र १ विकेट गुमाएर भेटायो। प्लेयर अफ द म्याच घोषित तपेन्द्र रिमालले ३२ रन बनाए।
आजको चौंथो खेलमा अनिश एण्ड एसोसिएट्सले एपीए एभेन्जर्सलाई ३० रनले पराजित गर्यो। ९२ रनको लक्ष्य पछ्याएको एभेन्जर्सले ६१ रन बनायो। प्लेयर अफ द म्याच घोषित गणेश यादवले ३ विकेट लिए।
९ दिन सम्म चल्ने प्रतियोगितामा १३ टिम सहभागी छन्।
प्रतियोगिताको विजेताले एक लाख ४० हजार रुपैयाँ पाउने छन्। यस्तै, उपविजेतालाई ७० हजार रुपैयाँ दिइने आयोजकले जनाएको छ। प्रतियोगिताका खेल लिगकम नकआउटमा सञ्चालन हुनेछ।
बिक्रम संवत् २०६० मा स्थापना भएको नेपाल चार्टर्ड एकाउन्टेन्ट विद्यार्थी संगठनले आफ्ना बिभिन्न कार्यक्रम अन्तर्गत नियमित क्रिकेट प्रतियोगिता आयोजना गर्दै आएको छ।
