- विकेटनेपाल, १४ माघ-आइतबार
सातौ एनकासा इन्टर फर्म टी-२० क्रिकेट प्रतियोगिताको उपाधि जिएसएन/ एस. बगालेलाई ५६ रनले पराजित गर्दै एनबीएसएम एसोसिएट्सले जितेको छ ।
नेपाल चार्टर्ड अकाउंटेंट बिद्यार्थी संगठन एनकासाले आयोजना गरेको प्रतियोगिताको किर्तिपुर स्थित लैबोरेटरी स्कुलको खेलमैदानमा शनिबार सम्पन्न फाइनलमा पहिले ब्याटिंग गरेको एनबीएसएम एसोसिएट्सले २० ओभरमा ४ विकेट गुमाएर १६१ रनको योगफल तयार पारेको थियो ।
उसका लागि चन्देश्वर चौधरीले महत्त्वपूर्ण ७८ रनको योगदान दिए ।
जवाफमा उत्रेको जिएसएन/ एस. बगालेले १०५ रनको स्कोरमा सबै विकेट गुमाएपछी एनबीएसएम एसोसिएट्सले उपाधी जितेको हो ।
जिएसएन/ एस. बगालेलाई सस्तैमा समेट्न एनबीएसएम एसोसिएट्सका लागि ब्याटिंगमा समेत चम्केका चन्देश्वर चौधरीले ५ विकेट लिएका थिए ।
फाइनल खेलको उत्कृस्ट खेलाडी ७८ रन बनाउदै ५ विकेट हात पारेका चन्देश्वर चौधरी घोषित भए । यस्तै प्रतियोगिताका उत्कृष्ट खेलाडी राजन डागि, उत्कृष्ट बलर सुरज दास, उत्कृष्ट ब्याटस्म्यान सुशील अधिकारी घोषित भए भने फेयर प्ले अवार्ड मिशल असोसिएट्सले पायो ।
समापन कार्यक्रममा एनकासाका अध्यक्ष ऋषि पोख्रेल, आइक्यानका अध्यक्ष सिए प्रकाश जङ्ग थापा, एक्यान का महासचिव सिए सन्तोष लम्साल एनकासा क्रीकेट सम्योजक रमेश पन्थी लगायतले पुरस्कार बितरण गर्नुभयो।
