१२ औं संस्करणको एनकासा इन्टर फर्म क्रिकेट प्रतियोगिता अन्तर्गत दोश्रो दिन सम्पन्न चारवटा खेलहरु सम्पन्न भएका छन्।
ललितपुर स्थित पुल्चोक इन्जिनियरिङ मैदानमा सम्पन्न भएका आजको खेलहरुमा सुब्रत एस एण्ड एसोसिएट्स, केबिएसआर, अनिश एण्ड एसोसिएट्स र एपीए एभेन्जर्स विजयी भएका छन्।
आजको पहिलो खेलमा सुब्रत एस एण्ड एसोसिएट्सले एसपीएसए एसोसिएट्सलाई १० विकेटले पराजित गर्यो। ४१ रनको लक्ष्य सुब्रत एसले विकेट नगुमाई पुरा गर्यो। प्लेयर अफ द म्याच घोषित बिष्णु कंडेलएल ३ विकेट लिए।
आजको दोश्रो खेलमा केबिएसआरले शंकर एण्ड एसोसिएट्सलाई ९ विकेटले पराजित गर्यो जुन क्रममा ४३ रनको लक्ष्य १ विकेट गुमाएर भेटायो। प्लेयर अफ द म्याच घोषित सागर राइले २ विकेट लिए।
आजको तेश्रो खेलमा अनिश एण्ड एसोसिएट्सले एचबिएलाई १० रनले पराजित गर्यो। ६६ रनको लक्ष्य पछ्याएको एचबिएले ५५ रन मात्र बनाउन सक्यो। प्लेयर अफ द म्याच घोषित रुपेश यादवले ३ विकेट लिए।
आजको चौंथो खेलमा एपीए एभेन्जर्सले आयोजक टिमलाई ७ विकेटले पराजित गर्यो। ६५ रनको लक्ष्य पाएको एभन्जर्सले ३ विकेट गुमाएर लक्ष्य पुरा गर्यो। प्लेयर अफ द म्याच घोषित बिराज ज्ञवालीले अविजित २२ रन बनाए।
प्रतियोगिता अन्तर्गत तेश्रो दिन मंगलबार पनि चारवटा खेल हुनेछन्।
९ दिन सम्म चल्ने प्रतियोगितामा १३ टिम सहभागी छन्।
प्रतियोगिताको विजेताले एक लाख ४० हजार रुपैयाँ पाउने छन्। यस्तै, उपविजेतालाई ७० हजार रुपैयाँ दिइने आयोजकले जनाएको छ। प्रतियोगिताका खेल लिगकम नकआउटमा सञ्चालन हुनेछ।
बिक्रम संवत् २०६० मा स्थापना भएको नेपाल चार्टर्ड एकाउन्टेन्ट विद्यार्थी संगठनले आफ्ना बिभिन्न कार्यक्रम अन्तर्गत नियमित क्रिकेट प्रतियोगिता आयोजना गर्दै आएको छ।
