१२ औं संस्करणको एनकासा इन्टर फर्म क्रिकेट प्रतियोगिताको सेमीफाइनल समिकरण पुरा भएको छ।
किर्तिपुर स्थित ल्याब क्रिकेट मैदानमा जारि प्रतियोगिताको शनिवार सम्पूर्ण लिग चरणका खेलहरु समाप्त भएका हुन्।
सहभागी १३ वटा टिम मध्ये समुह ‘ए’ बाट अनिश एण्ड एसोसिएट्स ( ANISH & ASSOCIATES ) , समुह ‘बि’ बाट सुब्रत एस एण्ड एसोसिएट्स ( SUBRAT S. & ASSOCIATES ) समुह ‘सी’ बाट केएएसए एण्ड युपीबि ( KASA UPB YOUTHS ) र केजे एसोसिएट्स ( KJ & ASSOCIATES) सेमीफाइनल प्रवेश गरेका हुन्।
पहिलो सेमीफाइनलमामा आइतबार अनिश एण्ड एसोसिएट्स र केएएसए एण्ड युपीबि प्रतिस्पर्धा गर्नेछन्। यस्तै दोश्रो सेमीफाइनलमा सोमबार सुब्रत एस एण्ड एसोसिएट्स र केजे एसोसिएट्स प्रतिस्पर्धा गर्नेछन्। फाइनल खेल मंगलबार हुनेछ।
प्रतियोगिता अन्तर्गत शनिवार समुह चरणको अन्तिम ४ खेल सम्पन्न भए जसमा सुब्रत एस एण्ड एसोसिएट्स, अनिश एण्ड एसोसिएट्स, केजे एण्ड एसोसिएट्स र एसएचए एण्ड एसोसिएट्सले जित दर्ता गरे।
पहिलो खेलमा सुब्रत एस एण्ड एसोसिएट्सले शंकर एसोसिएट्सलाई ६३ रनले पराजित गर्यो। १३७ रनको लक्ष्य पछ्याएको शंकर एसोसिएट्सले ७३ रन मात्र बनाउन सक्यो। जितमा योगदान दिने क्रममा प्लेयर अफ द म्याच घोषित आश्रय बस्नेतले ४५ रन बनाए भने सुबाश यादवले ३९ रन बनाए भने बलिंगतर्फ बिष्णु कंडेलले ३ विकेट लिए।
आजको दोश्रो खेलमा अनिश एण्ड एसोसिएट्सले आयोजक टिमलाई ३३ रनले पराजित गर्यो। ९६ रनको लक्ष्य पछ्याउने क्रममा आयोजक टिमले ६२ रन मात्र बनायो। प्लेयर अफ द म्याच घोषित रुपेश यादवले २५ रन बनाउनुको साथै ३ विकेट लिए।
आजको तेश्रो खेलमा केजे एण्ड एसोसिएट्सले सुजन काफ्ले एण्ड एसोसिएट्सलाई ८९ रनले पराजित गर्यो। ११७ रनको लक्ष्य पछ्याएको सुजन काफ्ले एण्ड एसोसिएट्सले २७ रन मात्र बनाउन सक्यो। जितमा प्लेयर अफ द म्याच घोषित जोनिस अधिकारीले ४५ तथा सुरज पाण्डेले २७ रन बनाए भने बलिंगतर्फ रोमिश रोय र आशुतोष यादवले समान ३ विकेट लिए।
आजको चौंथो खेलमा एसएचए एण्ड एसोसिएट्सले एनएआरएस एण्ड केएमयुलाई ५ रनले पराजित गर्यो। ७८ रनको लक्ष्य पछ्याएको एनएआरएस एण्ड केएमयुले ७२ रन बनायो। जितमा प्लेयर अफ द म्याच घोषित सरोज यादवले ४२ रन बनाए भने बलिंगतर्फ सन्दिप उपाध्याय र नमन झाले समान २ विकेट लिए।
९ दिन सम्म चल्ने प्रतियोगितामा १३ टिम सहभागी छन्।
प्रतियोगिताको विजेताले एक लाख ४० हजार रुपैयाँ पाउने छन्। यस्तै, उपविजेतालाई ७० हजार रुपैयाँ दिइने आयोजकले जनाएको छ। प्रतियोगिताका खेल लिगकम नकआउटमा सञ्चालन हुनेछ।
बिक्रम संवत् २०६० मा स्थापना भएको नेपाल चार्टर्ड एकाउन्टेन्ट विद्यार्थी संगठनले आफ्ना बिभिन्न कार्यक्रम अन्तर्गत नियमित क्रिकेट प्रतियोगिता आयोजना गर्दै आएको छ।
