नेदरल्याण्डसंग जिम्बाबे दोश्रो एकदिवसीयमा पनि पराजित

नेदरल्याण्ड टुर अन्तर्गत जिम्बाबे दोश्रो एकदिवसीयमा पनि पराजित हुन पुगेको छ। पहिलो एकदिवसीयमा ७ विकेट ( डीएलएस मेथड ) ले हारेको जिम्बाबे सिरिजको दोश्रो खेलमा पनि ३ विकेटले पराजित हुँदा २ एकदिवसीयको सिरिज २-० ले गुमाएको छ।

खेलमा टस जितेर पहिले ब्याटिंग गरेको जिम्बाबेले ५० ओभरमा ६ विकेट गुमाएर २९० रनको योगफल तयार गरेको थियो। नेदरल्याण्डले ४९.२ ओभरमा ७ विकेट गुमाएर लक्ष्य पुरा गर्यो।

नेदरल्याण्डको लागि ओपनर म्याक्स ओडोडले सर्वाधिक ५९ रन ( ८१ बलमा ३ चौका र १ छक्का ) बनाए। यस्तै रोल्फ भान डर मर्वेले ५७, तोबिस भिसेले ४१ रन बनाउदा स्कट एडवार्डले अविजित ४४ रन बनाउदै जितसम्म पुर्याए।

१६७ रनमा ६ विकेट गुमाएको नेदरल्याण्डको लागि सातौँ नम्बरमा ब्याटिंग गरेका एडवार्डले छैठौ विकेटको लागि भान डर मर्वेसंग ६२ रनको तथा सातौँ विकेटको लागि कप्तान पिटर सिलरसंग ५२ रनको साझेदारी गरेका थिए। सिलरले ३२ रन बनाए। एडवार्डले ४७ बलमा ३ चौका प्रहार गरे।

जिम्बाबे बलर सिङ विलियम्सले सर्वाधिक ४ विकेट ( ७-१-४३-४ ) लिए।

पहिले ब्याटिंग गर्ने क्रममा जिम्बाबेको लागि सिकन्दर राजाले अविजित ८५ रन बनाएका थिए। यस्तै क्रेग इर्भिनले ८४ रन बनाए। राजाले ६८ बलमा ५ चौका र ५ छक्का तथा इर्भिनले १०७ बलमा ८ चौका र ३ छक्का प्रहार गरे। यस्तै ब्रेण्डन टेलरले ५१ रन बनाए।

नेदरल्याण्ड बलार फ्रेड क्लासेनले २ विकेट ( १०-०-५३-२ ) लिए। भिभियन किंगमा, ब्रेण्डन ग्लोभर, साकिब जुल्फिकर र पिटर सिलरले १/१ विकेट लिए।

एकदिवसीय सिरिज पछि अब जुन २३ र जुन २५ मा २ वटा टि-२० अन्तर्राष्ट्रिय सिरिज खेल्ने तालिका रहेको छ।





थप समाचार

टियुलाई सुविधा सम्पन्न बनाउँने सरकारको निर्णय

काठमाडौं । नेपालको सबैभन्दा पुरानो कीर्तिपुर अन्तर्राष्ट्रिय क्रिकेट मैदानलाई सुविधासपन्न बनाउँने सरकारले पहिलो निर्णय गरेको छ । सोमबार बसेको नवनिर्वाचित […]

विश्वकपका लागि नेपालको प्रारम्भिक टोलीको घोषणा

काठमाडौं । नेत्रहिन क्रिकेट संघ नेपालले चौथो नेत्रहिन क्रिकेट विश्वकपका लागि १९ सदस्यीय नेपाली टोलीको घोषणा गरेको छ । सोमबार […]

चौधरी बने खेलकुद मन्त्री

काठमाडौं । तेजुलाल चौधरी सोमबार युवा तथा खेलकुदमन्त्री बनेका छन् । केपी शर्मा ओलीको नेतृत्वमा गठन भएको नयाँ मन्त्रीमण्डलमा नेपाली कांग्रेसका […]

जिम्बावेविरुद्धको सिरिज भारतले जित्यो

काठमाडौं । जिम्बावेविरुद्धको पाँच खेलको टी-२० आईको सिरिज पाहुना टोली भारतले ४-१ ले जितेको छ । आईतबार भएको सिरिजको पाँचौ […]

पोन्टिङ मुख्य प्रशिक्षकबाट हटाइए

काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् । २०२५ को आईपीएलको […]

एन्डरसनको स्थान वुडले लिने

काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको […]