काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा मंगलबार बेलुका छैटौं खेल हुदैछ ।
नवौं संस्करणको विश्वकपको छैटौं खेलमा समूह डी मा रहेका नेपाल र नेदरल्यान्ड्सबीच खेल हुदैछ । यस खेल नेपाली समय अनुसार मंगलबार बेलुका सवा नौ मा अमेरिकाको डालसमा रहेको ग्रान्ड प्रेरी स्टेडियममा हुदैछ ।
नेपाल दश वर्ष पछि पहिलो पटक विश्वकप खेल्दैछ । नेपाली टोली एसिया महादेश छनोटको दोस्रो स्थानमा रहेर विश्वकपमा छानिएको हो । दश वर्ष पछि विश्वकपमा स्थान बनाएको नेपाली टोलीमा एक खेलाडी बाहेक सबै खेलाडीले पहिलो पटक विश्वकप खेल्दैछन् ।
नेदरल्यान्ड्सले भने छैटौं पटक विश्वकपमा स्थान बनाएको हो । सन् २०२२ मा अस्ट्रेलियामा भएको आठौं संस्करणको विश्वकपमा शीर्ष आठमा रहेर नेदरल्यान्ड्सले विश्वकपमा स्थान बनाएको हो ।
नेपाल र नेदरल्यान्ड्सले अहिले सम्म टी-२० आईको इतिहासमा १२ खेलमा आमने सामने भएका छन् । नेपाल पाँच खेलमा विजयी हुँदा छ खेल नेदरल्यान्ड्सले जित्दा एक खेल नतिजाबिहिन रुपमा सकिएको छ । विश्वकपमा भने नेपाल र नेदरल्यान्ड्सबीच पहिलो पटक खेल हुदैछ ।
नवौं संस्करणको विश्वकपमा पहिलो पटक २० राष्ट्रको सहभागीता रहेको छ । सहभागी २० राष्ट्रलाई चार समूहमा विभाजन गरिएको छ ।
समूह डी मा नेपाल र नेदरल्यान्ड्सको अलावा दक्षिण अफ्रिका, श्रीलंकाका र बंगलादेश तथा समूह ए मा क्यानडा, अमेरिका, भारत, पाकिस्तान र आयरल्यान्ड रहेका छन् ।
समूह बी मा नामिबिया, ओमान, अस्ट्रेलिया, इंग्ल्यान्ड, स्कटल्यान्ड तथा समूह सी मा पीएनजी, वेस्ट इन्डिजका, न्युजिल्यान्ड, अफगानिस्तान, युगान्डा छन् ।
हरेक समूहका शीर्ष दुई टोलीले सुपर आठमा स्थान बनाउने छन् । सुपर आठमा पनि दुई समूह हुनेछ । सुपर आठका हरेक समूहका शीर्ष दुई टोलीले सेमिफाइनलमा स्थान बनाउँने छन् ।
सेमिफाइनलका विजेता टोलीले फाइनलमा स्थान बनाउँदा फाइनलमा विजयी बन्ने टोलीले यस संस्करणको उपाधी जित्नेछ ।
नवौं संस्करणको विश्वकपमा नेपाल
दश वर्ष पछि विश्वकप खेल्दै गरेको नेपाल २० राष्ट्र सहभागी प्रतियोगिताको समूह डी मा रहेको छ । नेपाल रहेको समूहमा नेदरल्यान्ड्स, दक्षिण अफ्रिका, श्रीलंका र बंगलादेश छन् । विश्वकपको दोस्रो खेलमा नेपालले १२ जुन अर्थात ३० जेठ बुधबारको दिन लाउडेरहिलमा खेल्नेछ । दोस्रो खेलमा श्रीलंकासँग खेल्ने नेपालको यस खेल नेपाली समयअनुसार बिहान सवा ५ मा हुनेछ ।
दोस्रो खेल पछि आफ्नो बाँकी दुई खेलका लागि नेपाल वेस्ट इन्डिज जानेछ । वेस्ट इन्डिजमा १५ जुन अर्थात असार १ मा दक्षिण अफ्रिकासँग खेल्नेछ । यस खेल पनि नेपाली समयअनुसार बिहान सवा ५ मा हुनेछ । खेल सेन्ट भिन्सेन्टमा हुनेछ । विश्वकपको समूह चरणको चौथो तथा अन्तिम खेलमा १७ जुन अर्थात असार ३ मा बंगलादेशसँग सेन्ट भिन्सेन्टमा नै खेल्नेछ । यो खेल पनि नेपाली समयअनुसार बिहान सवा ५ मा हुनेछ ।
विश्वकपमा सहभागीता जनाउँने १५ सदस्यीय नेपाली टोलीको नेपाल क्रिकेट संघ (क्यान) ले घोषणा गरिसकेको छ ।
नेपाली टोली
रोहितकुमार पौडेल (कप्तान), कुशल भुर्तेल, आसिफ शेख, कुशल मल्ल, सन्दीप जोरा, गुलसन झा, अनिल शाह, दीपेन्द्रसिंह ऐरी, ललितनारायण राजवंशी, प्रतिश जिसी, करण केसी, सोमपाल कामी, अभिनास बाहोरा, सागर ढकाल र कमलसिंह ऐरी ।
https://youtu.be/VR9osdX-KkU?si=hHkr-LElqK0DI8Aj
