वुमेन्स टि-२० स्म्यास : नेपालको लगातार दोश्रो जित, सरिता मगर उत्कृस्ट

Nepal Women's Cricket Team
  • विकेटनेपाल, पुष-२९ – आइतबार 

थाईल्याण्डमा जारि वुमेन्स टि-२० स्म्यास प्रतियोगिता अन्तर्गत नेपालले लगातार दोश्रो जित हात पार्ने क्रममा मलेसियालाई ६ विकेटले पराजित गरेको छ। टि-२० अन्तर्राष्ट्रियमा खेलेको दुवै खेल जित्दै नेपालले अपराजित यात्रा कायम राखेको हो।

प्रतियोगिता अन्तर्गत नेपालले तेश्रो खेल सोमबार युएईसंग खेल्ने तालिका रहेको छ।

खेलमा टस जितेर पहिले ब्याटिंग गर्दै मलेसियाले ६१ रनमा सम्पूर्ण विकेट गुमाउन पुग्यो। ६२ रनको लक्ष्य नेपालले ४ विकेट मात्र गुमाएर पुरा गर्यो।

६२ रनको लक्ष्य पछ्याउने क्रममा नेपालको सुरुवात पनि राम्रो हुन सकेन। ओपनर काजल श्रेष्ठ ६ रन तथा इन्दु बर्मा ३ रन बनाएर आउट भइन्। धैर्यतापुर्वक ब्याटिंग गरिरहेकी अर्की ओपनर सिता राना मगर १६ रन बनाएर रन आउट हुन पुगिन्। १० ओभरमा ३ विकेट गुमाउदा नेपालले ३२ रन मात्रै बनाउन सकेको थियो।

सरिता मगर पनि खाता नखोली रन आउट हुन पुग्दा ३८/४ को अवस्थामा पुगेको नेपाललाई त्यसपछि रोमा थापा र ममता चौधरीले जिततर्फ डोर्याउने काम गरे। दुवैले पाँचौ विकेटको लागि २४ रनको साझेदारी गर्दा नेपालले १६.२ ओभरमा लक्ष्य पुरा गर्यो र खेल ६ विकेटले सजिलै जित्यो।

रोमा थापाले अविजित २० रन बनाउन २४ बलमा १ चौका प्रहार गरिन्। यस्तै ममता चौधरीले अविजित ९ रन ( १५ बल ) बनाईन्।

मलेसिया बलर इन्टन जाफर र आइना हाशिमले १/१ विकेट लिईन्।

सरिता मगरको उत्कृस्ट बलिङ्ग 

यस अघि पहिलो इनिंगमा नेपालको कसिलो बलिङ सामु टिक्न नसकेको मलेसिया ३ बल अगावै ६१ रनमा अलआउट भयो।

टस जितेर ब्याटिंग गरेको मलेसियाको सुरुवात राम्रो हुन सकेन। ओपनर इलियानी रहिम खाता नखोल्दै दोश्रो ओभरमा कविता कुँवरको बलमा क्याच आउट भइन्। त्यसपछि दोश्रो विकेटको लागि ओपनर याकुप र जिन यीले १९ रनको साझेदारी गरे।

मलेसियाका लागि जिन यी ले सर्वाधिक १२ तथा याकुवले ११ रन बनाइन्। बाँकी खेलाडीले दोहोरो अंकमा रन बनाउन सकेनन्।

नेपालका लागि प्लेयर अफ द म्याच समेत चुनिएकी सरीता मगरले ३ ओभरमा ११ रन खर्चेर ४ विकेट लिइन्। यस्तै कविता कुँवर, इन्दु बर्मा र नेरी थापाले १-१ विकेट लिइन्।मलेसियाका तीन खेलाडी रनआउट भए।

Sarita Magar
Sarita Magar

४ विकेट लिए संगै अफ स्पिनर सरिता मगर नेपालको लागि महिला टि-२० अन्तर्राष्ट्रिय क्रिकेटमा एकै खेलमा सर्वाधिक विकेट लिने खेलाडी समेत बनेकी छिन्। यो रेकर्ड हिजो चिनसंग करुना भण्डारीको थियो जसले ९ रन खर्चेर ३ विकेट लिएकी थिईन्।

 





थप समाचार

हैदराबादलाई हराउँदै कोलकाता फाइनलमा

काठमाडौं । १७ औं संस्करणको इन्डियन प्रिमियर लिग (आइपीएल) को पहिलो क्वालिफायर खेलमा सनराइजर्स हैदराबादलाई हराउँदै कोलकाता नाइट राईडर्सले फाइनलमा […]

कोलकातासामु हैदराबादको चलेन ब्याटिङ, १५९ रनमा नै अल आउट

काठमाडौं । १७ औं संस्करणको इन्डियन प्रिमियर लिग (आइपीएल) को पहिलो क्वालिफायर खेलमा कोलकाता नाइट राईडर्सको बलरसामू चल्न नसक्दा सनराइजर्स […]

सन्दीप अमेरिका जाने विषयमा यस्तो भन्छन् क्यान अध्यक्ष

काठमाडौं । नेपाली क्रिकेट टिमका पुर्वकप्तान सन्दीप लामिछाने केही दिनमा टी२० विश्वकपमा सहभागी हुन अमेरिका प्रस्थान गर्ने भएका छन् । […]

यसरी छानिएका थिए विश्वकप खेल्ने २० राष्ट्र…

काठमाडौं । आगामी महिना अमेरिका र वेस्ट इन्डिजमा संयुक्त रुपमा आयोजना हुने टी-२० विश्वकपमा पहिलो पटक २० देशबीच प्रतिस्पर्धा हुदैछ […]

फ्रेजरलाई समेट्दै अस्ट्रेलियाको विश्वकप टोली घोषणा

काठमाडौं । इन्डियन प्रिमियर लिग (आइपीएल) मा शानदार प्रदर्शनका कारण चर्चामा रहेका ज्याक फ्रेजरलाई समेट्दै आगामी जुनमा अमेरिका र वेस्ट […]

फाइनल प्रवेशका लागि कोलकाता र हैदराबाद खेल्दै

काठमाडौं । १७ औं संस्करणको इन्डियन प्रिमियर लिग (आइपीएल) को फाइनल प्रवेशका लागि कोलकाता नाईट राईडर्स र सनराईजर्स हैदराबाद खेल्दै […]