१९औँ एसियाली खेलकुदअन्तर्गत पुरुष क्रिकेटमा भारतसँग नेपाल २३ रनले पराजित भएको छ ।
हारसँगै नेपाल पुरुष क्रिकेटको क्वार्टरफाइनलबाटै बाहिरिएको छ । भारत सेमीफाइनल प्रवेश गरेको छ।
नेपालको लागि दिपेन्द्र सिंह ऐरीले सर्वाधिक ३२ रन बनाए जुन क्रममा १५ बलमा ४ छक्का प्रहार गरे। कुशल मल्लले २२ बलमा २ चौका र २ छक्का मद्दतले २९ रन बनाए भने सन्दिप जोराले १२ बलमा १ चौका र ३ छक्का मद्दतले २९ रन बनाए। कुशल भुर्तेलले ३२ बलमा ४ चौका र १ छक्का मद्दतले २८ रन बनाए। करन केसीले अविजित १८ रन बनाए।
भारतको बलिंगमा आभेश खान र रभी बिश्नोईले ३/३ विकेट लिए। अर्शदिप सिंहले २ तथा साई किशोरले १ विकेट लिए।
यस अघि टस जितेर ब्याटिङ गरेको भारतले निर्धारित ओभरमा ४ विकेट गुमाएर २ सय २ रन बनाएको थियो।
भारतका अन्य ब्याट्सम्यान खासै चल्न नसकेपछि यशस्वी जयसवालले उत्कृष्ट प्रर्दशन गरे । जयसवालले शतकीय इनिङ्स खेले । जयसवालले ४८ बलमा नेपालविरुद्ध शतक प्रहार गरे । उनले ८ चौका र ७ छक्काको मदतले शतक पुरा गरेका हुन् ।
कप्तान ऋतुराज गायकव २५ रनमा आउट भएको खेलमा तिलक वर्मा २ र जितेश शर्मा ५ रनमा पोविलियन फर्किएका थिए । रिंकु सिंहले विस्फोटक ब्याटिङ गर्दै ३७ र शिवम दुवेले २५ रन बनाए ।
नेपालका लागि दिपेन्द्र सिंह ऐरीले २ तथा सोमपाल कामी र सन्दीप लामिछानेले समान एकरएक विकेट हात पारे ।