चार देशीय सिरिज : नेपाल आज ओमानसंग खेल्दै, कहाँ हेर्ने लाइभ ?

ओमान भरण अन्तर्गत चार देश सम्मिलित टि-ट्वान्टी अन्तर्राष्ट्रिय सिरिजको पहिलो खेलमा नेपालले आज घरेलु टिम ओमानको सामना गर्दैछ। सिरिजमा नेपाल र आयोजक ओमान सहित आयरल्याण्ड र युएई समावेश छन्। फेब्रुअरी १७ तारिख देखि सुरु हुने टि-ट्वान्टी विश्वकपको तयारी स्वरूप यो सिरिज खेल्न लागिएको हो।

नेपाल र ओमान बीचको खेल नेपाली समय बेलुका ३:४५ बजे सुरु हुनेछ। खेल ओमानको अल अमिरात मैदानमा हुनेछ। खेलको प्रत्यक्ष प्रशारण नेपालमा हिमालय टिभीले गर्नेछ भने युट्युबमा OsrSports तथा दराज एप बाट समेत हेर्न सकिनेछ। यस्तै फेसबुकमा Sports Eye तथा युट्युबमा CricTracker च्यानलबाट समेत प्रत्यक्ष प्रशारण हेर्न सकिने बताईएको छ।

गत वर्ष अप्रिलमा नेपालमा आयोजित नेदरल्याण्ड र मलेसियासंगको त्रिकोणात्मक टि-ट्वान्टी सिरिज पछि नेपालले पहिलो पटक टि-ट्वान्टी अन्तर्राष्ट्रिय खेल्न लागेको हो। ओमानले पनि गत वर्ष अक्टोबरमा घरेलु भूमिमा आयोजित टि-ट्वान्टी विश्वकप खेलेपछि पहिलो पटक टि-२० फर्म्याटमा खेल्न लागेको हो। प्रशिक्षक पुबुदु दासानायेके नेपालको प्रशिक्षकमा फर्किएपछि उनको प्रशिक्षणमा यो पहिलो प्रतियोगिता समेत हो।

लामो समय पछि टि-ट्वान्टी अन्तर्राष्ट्रिय सिरिज खेल्न लागेको नेपालले यो सिरिजमा नयाँ प्रयोगहरु गर्नेछ। टिममा भित्रिएका नयाँ अनुहारहरु बिबेक यादव, लोकेश बम, सागर ढकालले मौका पाउन सक्नेछन्। यस्तै ७ वर्ष पछि टिममा पुनरागमन गरेका फास्ट बलर जितेन्द्र मुखियाको प्रदर्शन पनि हेर्न लायक हुनेछ। नेपालको ब्याटिंग क्रम कस्तो हुनेछ पनि प्रतीक्षाको विषय छ।

टि-ट्वान्टी अन्तर्राष्ट्रिय वरियतामा ओमान १७ औं स्थानमा छ भने नेपाल १२ औं स्थानमा छ। वरियतामा नेपाल माथि भएता पनि घरेलु भूमि तथा टि-ट्वान्टी विश्वकपको अनुभवले ओमानलाई बलियो टिम मानिन्छ। तर भर्खरै ओमनामा आयोजित विश्वकप लिग-२ अन्तर्गत एकदिवसीय अन्तर्राष्ट्रिय सिरिजमा युएईसंग २-० ले पराजित भएपछि ओमानले थोरै आत्मविश्वास भने गुमाएको छ।

पछिल्लो भेट : नेपाल र ओमान बीच हालसम्म एक पटक मात्र टि-ट्वान्टी अन्तर्राष्ट्रियमा भेट भएको छ। २०१९ मा ओमानमा आयोजित पाँच देश सम्मिलित टि-ट्वान्टी अन्तर्राष्ट्रियमा नेपाल ओमानसंग ६ विकेटले पराजित भएको थियो। अल अमिरात मैदानमा टस हारेर ब्याटिंग गरेको नेपालले ६४ रन मात्र बनाउन सकेपछि सामान्य लक्ष्य ओमानले ४ विकेट क्षेतीमा भेटाएको थियो। ओमानका देब्रे हाते स्पिनर आमिर कलिमले ५ विकेट तथा बिलाल खानले २ विकेट लिएपछि नेपालको इनिंग्स धरासायी बनेको थियो। ब्याटिंगमा सुरज कुमारले अविजित ४२ रन बनाएका थिए। करन केसीले २ तथा सन्दिप लामिछाने र सोमपाल कामिले १/१ विकेट लिंदा २७ रनमा ४ विकेट गुमाएता पनि त्यसपछि ओमानले विकेट नगुमाई लक्ष्य पुरा गरेको थियो।

ओमान टिम : जिशान मक्सुद ( कप्तान ) , जतिन्दर सिंह, कश्यप प्रजापति, शोयब खान, मोहम्मद नदीम, आयान खान, नेस्टर धाम्बा, सन्दिप गौड, नसिम खुसि ( विकेटकिपर ) , खवर अलि, आमिर कलिम, फयाज बट, कलेमुल्लाह, बिलाल खान, खुर्रम नवाज

नेपाल टिम : सन्दीप लामिछाने (कप्तान), कुशल भुर्तेल, ज्ञानेन्द्र मल्ल, दिपेन्द्रसिंह ऐरी, शरद भेषवाकर, करण केसी, आरिफ शेख, कुशल मल्ल, आसिफ शेख, कमलसिंह ऐरी, शाहब आलम, अविनाश बोहरा, प्रदिप ऐरी, जितेन्द्र मुखिया, विवेक यादव, लोकेश बम र सागर ढकाल





थप समाचार

गल्फद्वारा दीपेन्द्रलाई रिटेन

काठमाडौं । युएईमा आयोजना हुने अन्तराष्ट्रिय टी-२० लिग क्रिकेट लिगमा गल्फ जायन्ट्सले नेपालका दीपेन्द्रसिंह ऐरीलाई आगामी संस्करणका लागि रिटेन गरेको […]

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]