डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु टि-२० सिरिजमा पहिलो जित दर्ता गरेको छ। यस अघि पहिलो ३ खेल जित्दै भ्रमण टोलिले सिरिज आफ्नो पक्षमा पारिसकेको छ।

१५ रनको जित दर्ता गर्ने क्रममा टियु अन्तर्राष्ट्रिय मैदानमा नेपालले दिएको ९८ रनको लक्ष्य पछ्याएको युगान्डाले निर्धारित १८ ओभरमा ८ विकेट क्षतिमा ८२ रन मात्र बनायो।  युगान्डा बिरुद्ध यो नेपालको पहिलो टि-२० अन्तर्राष्ट्रिय जित हो।

स्कोरकार्ड 

लक्ष पछ्याउने क्रममा युगान्डाले १३ ओभरमा ५६ रन बनाउदा मात्र ३ विकेट गुमाएको थियो। त्यसपछिको ५ ओभरमा नेपालले उत्कृस्ट पुनरागमन गर्यो र थप २६ रन खर्चंदै ५ विकेट लियो।

नेपालको बलिंगमा डेब्यु गरेकी लेग स्पिनर हिरान्मयी रोयले ३ ओभरमा मात्र ११ रन खर्चेर २ विकेट हात पारिन्। रोय प्लेयर अफ द म्याच समेत घोषित भईन्। कविता कुँवर, अश्मिना कर्माचार्य र रुबिना क्षेत्रीले १/१ विकेट हात पारिन्। युगान्डाको लागि जेनेट एम बाब्जीले सर्वाधिक २१ तथा रिता न्यागेन्डो र इभिलिन एनीपियोले समान १६ रन बनाए।

टस जितेर ब्याटिंग गरेको नेपालले वर्षाका कारण १८ ओभरमा छोट्याईएको खेलमा १७.५ ओभरमा ९७ रनमा सम्पूर्ण विकेट गुमायो। ओपनर ज्योति पाण्डे र बिन्दु रावलले १७ र १६ रन तथा सिता राना मगरले ११ रन बनाउनु बाहेक अन्य नेपाली ब्याटरले दोहोरो अंकमा रन बनाउन सकेनन्। युगान्डा बलर कोन्सी अवेकोले ३ र सराह अकिटेंगले २ विकेट लिए।

सिरिज अन्तर्गत यस अघिको तिन खेल नेपालले क्रमशः १२ रन, १ विकेट र ६ विकेटले हारेको थियो। सिरिजको पाँचौ तथा अन्तिम खेल भोलि शनिवार खेलिनेछ।





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]