जिम्बाब्वे ‘ए’ सिरिजको लागि नेपाली टिमको घोषणा ,सुनिल धमलाको पुनरागमन

नेपाल र जिम्बाब्वे ‘ए’ बीच अप्रिल ३० देखि मे ९ तारिखसम्म घरेलु भूमिमा खेलिने एकदिवसीय र टि-ट्वान्टी सिरिजको लागि २३ सदस्यीय टिमको घोषणा गरिएको छ।

घोषित टिममा सुनिल धमलाले लामो समय पछि पुनरागमन गरेका छन्। धमलाले अन्तिम पटक २०१७ मा राष्ट्रिय टिमको प्रतिनिधित्व गरेका थिए।  एकदिवसीय फर्म्याटमा धमलाको ब्याटिंग उपयुक्त मानिने गर्छ।

यस्तै तिमा यु-१९ राष्ट्रिय क्रिकेटर समेत रहेका देब्रे हाते स्पिन अलराउण्डर बसिर एहमदले स्थान बनाएका छन्। बसिर भर्खरै भैरहवामा प्रो क्लब च्याम्पियनसिपमा प्रतियोगिताकै उत्कृस्ट खेलाडी घोषित भएका थिए जुन क्रममा उनले १० विकेट लिनुको साथै ११९ रन पनि बनाएका थिए। यस्तै तिब्र गति बलर किशोर महतोले पनि टिममा स्थान पाएका छन्। यु-१९ राष्ट्रिय क्रिकेटर रहीसकेका महतो घरेलु क्रिकेटमा एपीएफ क्लबको प्रतिनिधित्व गर्ने गर्छन।

मलेसिया र नेदरल्याण्ड सिरिजमा खराब प्रदर्शन गरेका विकेटकिपर ब्याट्सम्यान अनिल साह र दिलिप नाथलाई भने टिममा राखिएको छैन। विकेटकिपरको रुपमा बिनोद भण्डारीले टिममा पुनरागमन गरेका छन्। देब्रे हाते स्पिनर सुशन भारि, शाहब आलम र सागर ढकाल टिममा छन्। देव खनाल, भिम शार्की, आदील अन्सारी, लोकेश बम र बिबेक यादव जस्ता युवा खेलाडीले टिममा निरन्तरता पाएका छन्।

नेपाली टिम : सन्दिप लामिछाने, दिपेन्द्र ऐरी, कुशल भुर्तेल, आसिफ शेख, आरिफ शेख, रोहित पौडेल, बिनोद भण्डारी, करन केसी, सोमपाल कामि, देव खनाल, सागर ढकाल, बिक्रम सोब, किशोर महतो, आदील अन्सारी, भिम शार्की, सुशन भारि, पवन सर्राफ, अविनाश बोहरा, बसिर एहमद, लोकेश बम, बिबेक यादव, शाहब आलम, सुनिल धमला

जिम्बाब्वेसंग एकदिवसीय सिरिज अप्रिल ३०, मे २ र मे ४ तारिखमा खेलिनेछ। यस्तै टि-ट्वान्टी सिरिज मे ६, मे ७ र मे ९ तारिखमा खेलिनेछ।





थप समाचार

पाँचपोखरी टी-२० क्रिकेट प्रतियोगिता आजबाट सुरु

काठमाडौं । पाँचपोखरी टी-२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा सुरु भएको छ । शनिबार एक कार्यक्रममका बिच पाँचपोखरी […]

नेदरल्यान्ड्सविरुद्ध नेपाल : सम्भावित प्लेईङ-११, एक परिवर्तनको सम्भावना

काठमाडौं । २०२७ मा दक्षिण अफ्रिका, जिम्बावे र नामिबियामा आयोजना हुने ओडिआई विश्वकपको छनोटको रुपमा रहेको विश्वकप लिग टू अन्तर्गतको […]

नेदरल्यान्ड्समाथि नामिबियाको ऐतिहासिक जित

काठमाडौं । नामिबियाले नेदरल्यान्ड्समाथि ऐतिहासिक जित निकालेको छ । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाई आफ्नो ओडिआई ईतिहासमा […]

नेदरल्यान्ड्सलाई २०४ रनको लक्ष्य

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाइ नामिबियाले जितका लागि २ सय ४ रनको लक्ष्य दिएको छ […]

नेदरल्यान्ड्सले टस जित्यो

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नामिबियाविरुद्ध नेदरल्यान्ड्सले टस जितेको छ । सिरिजको पाँचौ खेलमा नेदरल्यान्ड्सका कप्तान […]

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]