- विकेटनेपाल, बैशाख-१४
थाईल्याण्डमा जारि एसीसी अन्डर-१६ इस्टर्न प्रतियोगिताको उपाधिको लागि नेपालको प्रतिद्वन्द्वी मलेसिया हुने भएको छ।
आज सम्पन्न सेमीफाइनल खेलहरुमा नेपालले हंगकंगलाई ४ विकेटले तथा मलेसियाले सिंगापुरलाई ५८ रनले पराजित गर्दै फाइनलमा स्थान पक्का गरेको हो।
And Malaysia it is! Have bowled out Singapore for 113 in 30.4 overs! 171 wasn’t at all a daunting target! But the Malaysian bowlers made it seem like that! Top notch bowling effort!
So, it is Malaysia vs Nepal in the finals on Sunday!#U16ER #ACC #SINvMAL pic.twitter.com/mqfXRz153A— Cricket Thailand (@ThailandCricket) April 27, 2019
मलेसियाले पहिले ब्याटिंग गर्दै दिएको १७१ रनको लक्ष्य पछ्याउने क्रममा सिंगापुरले ११३ रनमा सम्पूर्ण विकेट गुमाउन पुग्यो। यस अघि सम्पन्न सेमीफाइनलमा हंगकंगले दिएको ८७ रनको लक्ष्य नेपालले ६ विकेट गुमाएर पुरा गरेको थियो।
नेपाल र मलेसिया बीच फाइनल खेल आइतबार नेपाली समय ९:१५ बजे खेलिनेछ।
प्रतियोगिताको नेपाल डिफेन्डिङ च्याम्पियन हो। २०१७ मा नेपालले सिंगापुरलाई पराजित गर्दै उपाधि जितेको थियो। यो पटक उपाधि रक्षा गर्ने बाटोमा अब नेपालले नयाँ प्रतिद्वन्द्वी पाउने भएको छ।
नेपाल र मलेसिया समूह चरणमा एकै समुहमा थिए। नेपाल समुह विजेताको रुपमा र मलेसिया उप-विजेताको रुपमा सेमीफाइनल प्रवेश गरेको थियो। यस क्रममा नेपालले मलेसियालाई ३९ रनले पराजित गरेको थियो।
मलेसियाले प्रतियोगिताको समुह चरणमा थाईल्याण्डलाई ७ विकेटले तथा म्यानमारलाई ८ विकेटले पराजित गरेको थियो। नेपालसंग पराजित हुने क्रममा पहिले ब्याटिंग गर्दै नेपालले बनाएको १४१ रनको जवाफमा १०२ रनमा सम्पूर्ण विकेट गुमाउन पुगेको थियो।
इतिहासमा नेपाल र मलेसिया अन्डर-१६
नेपाल र मलेसियाले अन्तिम पटक एसीसी यु-१६ ( पूर्वी ) प्रतियोगिताको अघिल्लो संस्करण २०१७ मा प्रतिस्पर्धा गरेका थिए। उक्त खेलमा नेपालले ७२ रनको जित हाँसिल गर्दै फाइनलमा प्रवेश गरेको थियो। खेलमा पहिले ब्याटिंग गर्दै नेपालले १२८ रनको लक्ष्य दिएको थियो र लक्ष्य पछ्याउने क्रममा मलेसिया ५५ रनमा अलआउट हुन पुगेको थियो।
त्यस अघि नेपालले सन् २०१४ को एसीसी यु-१६ मा पनि मलेसियालाई ३२ रनले पराजित गरेको थियो। पहिले ब्याटिंग गर्दै नेपालले दिएको १६२ रनको लक्ष्य पछ्याउने क्रममा मलेसिया १२९ रनमा अलआउट भएको थियो।
सन् २०१० को एसीसी यु-१६ इलाइट कपमा पनि नेपाल ३२ रनले विजयी भएको थियो । टियु मैदानमा सम्पन्न खेलमा नेपालले पहिले ब्याटिंग गरे दिएको १६३ रनको लक्ष्य पछ्याउने क्रममा मलेसियाले १३० रन मात्रै बनाउन सकेको थियो।
