यू–१९ विश्वकप छनोटमा नेपालको लगातार दोस्रो जित, आकाशको ६ विकेट , देव र अर्जुनको शतक

नेपालले संयुक्त अरव इमिरेट्स (यूएई) मा जारी आईसीसी यू–१९ पुरुष विश्वकप एसिया छनोट खेलमा लगातार दोस्रो जित निकालेको छ ।

यूएईस्थित मलिका क्रिकेट मैदानमा शनिबार भएको खेलमा नेपालले कुवेतलाई दुई सय ४३ रनको फराकिलो अन्तरले हरायो । नेपालले दिएको तीन सय ४४ रनको विजय लक्ष्य पछ्याएको कुवेतले ३०.५ ओभरमा सबै विकेट गुमाएर एक सय रन मात्र बनाउन सक्यो ।

कुवेतका लागि जुधा सालधानाले सर्वाधिक २६ रन बनाए । रसिन मोहमदले १९ र किसोरी भाई हिन्सुले १६ रन बनाए । अन्य खेलाडीले दोहोरो अंकमा रन जोड्न सकेनन् । बलिङमा नेपालका लागि आकाश चन्दले ६ विकेट लिए । हेमन्त धामी र दीपेश कंडेलले दुई दुई विकेट लिए।

यसअघि पहिले ब्याटिङ गरेको नेपालले निर्धारित ५० ओभरमा सात विकेटको क्षतिमा तीन सय ४३ रनको विशाल योगफल तयार गरेको थियो । नेपालका लागि ओपनर अर्जुन कुमाल र कप्तान देव खनालले सतकीय पारी खेले

कप्तान खनालले एक सय २५ र ओपनर अर्जुन कुमालले एक सय आठ रन बनाएका थिए । विशाल बिक्रम केसीले २३, दीपक डुम्रेले अविजित २०, दीपक बोहोराले १९ र अर्को दीपक बोहोराले १३ रन बनाए।

बलिङमा कुवेतका हेनरी थोमसले र सहिल काज्मीले दुई दुई तथा जय महेशकुमार मेहता ले एक विकेट लिए । शुक्रबार आफ्नो पहिलो खेलमा नेपालले सिंगापुरलाई ९६ रनले हराएको थियो।

जितसँगै दुई खेलबाट चार अंक बनाएको नेपाल दोस्रो स्थानमा छ । समान चार अंक बनाएको यूएई रन रेटका आधारमा शीर्षस्थानमा छ । नेपालले तेस्रो खेल सोमबार हङकङसँग खेल्नेछ ।

छनोट खेलमा आयोजक युएईसहित नेपाल, हङकङ, कुवेत, मलेसिया र सिंगापुरबीच प्रतिस्पर्धा हुनेछ । छनोट खेलको शीर्षस्थानमा रहने टोलीले सन् २०२४ मा श्रीलङ्कामा आयोजना हुने यू–१९ विश्वकपमा स्थान बनाउनेछ ।





थप समाचार

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]

नेपालले टस हार्यो, भुर्तेल बेन्चमा

काठमाडौं । नामिबियाविरुद्ध नेपालले टस हारेको छ । नामिबियाका कप्तान जेजे स्मिथले टस जितेर बलिङ रोजेपछि नेपालले पहिला ब्याटिङ गर्दै […]

पाँचपोखरी क्रिकेट प्रतियोगिता : पाँचपोखरी र ह्याल्मो-११ सेमिफाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको सेमिफाइनलमा स्थान बनाएका छन् । आज भएको […]

दाङ क्रिकेट लिग : देउखुरी र पुरनधारा फाइनल दौडबाट बाहिरियो 

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बिहिबार सम्पन्न दुई खेलमा तुलसीपुर रोयल्स र दंगाली लायन्स विजयी भएका […]

लिभेन्टको शतकमा नेदरल्यान्ड्सको सहज जित

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई सहज रुपले पराजित गरेको छ  । टियु मैदानमा भएको  खेलमा नामिबिया ५९ […]

लिभेन्टको शतकमा नामिबियालाई २४८ रनको लक्ष्य

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई २ सय ४८ रनको लक्ष्य दिएको छ । टियु मैदानमा जारी खेलमा […]