रोहित र दिपेन्द्रको शतक बाबजुद दिल्लीसंग नेपाल पराजित

आईसीसी विश्वकप लिग अन्तर्गत नामिबिया भ्रमणको तयारी स्वरूप दिल्ली भ्रमणमा रहेको नेपाल क्रिकेट टिम पहिलो अभ्यास खेलमा दिल्ली जिल्ला क्रिकेट संघसंग पराजित भएको छ।

जमिया इस्लामिया विश्वविद्यालय क्रिकेट मैदानमा नेपालले दिएको ३०४ रनको लक्ष्य दिल्लीले ३ बल बाँकी हुँदा ८ विकेट गुमाएर भेटायो।

दिल्लीको ब्याटिंगमा ओपनर सलिल मलहोत्राले सर्वाधिक ५३ रन बनाए। भैभव शर्माले ४४, यश ओबेरियोले ४२, सक्षम शर्माले ३३, शिवम शर्मा र कुश नागपालले समान ३१ रन बनाए। २२२ रनमा ७ विकेट गुमाएको अवस्थामा शिवम र यशले आठौँ विकेटको लागि ६६ रनको साझेदारी गरे।

नेपालको बलिंगमा कुशल भुर्तेलले सर्वाधिक ३ विकेट लिए जुन क्रममा ६ ओभरमा ३६ रन खर्चिए। नन्दन यादवले २ विकेट लिंदा सोमपाल कामि, ललित राजवंशी र हरिशंकर शाहले १/१ विकेट लिए।

यस अघि टस जितेर ब्याटिंग गरेको नेपालले निर्धारित ५० ओभरमा ९ विकेट क्षेतीमा ३०३ रन बनायो।

नेपालको सुरुवात खराब रह्यो। ओपनरद्वय अर्जुन साउद र आसिफ शेख तथा ज्ञानेन्द्र मल्ल खाता नखोली आउट भए।

चौंथो विकेटको लागि कप्तान रोहित पौडेलले हरिशंकर शाहसंग ५८ रन जोडे। शाह २५ रन बनाएर आउट भए। पाँचौ विकेटको लागि रोहितले कुशल भुर्तेलसंग ६४ रन जोडे। भुर्तेल २१ रन बनाएर आउट भए।

१२४ रनमा ५ विकेट गुमाएपछि रोहित र दिपेन्द्र ऐरीले शतकीय साझेदारी गरे। १२० रनको साझेदारी गरेपछि रोहित ४६ औं ओभरमा आउट भए। त्यस अघि रोहितले १३५ बलमा ११ चौका र १ छक्का मद्दतले ११३ रन बनाए। त्यसपछि दिपेन्द्र ऐरीले आक्रामक ब्याटिंग गर्दै शतक पुरा गरे। अन्तिम ओभरमा आउट हुनु अघि ऐरीले ६२ बलमा ८ चौका र ६ छक्का मद्दतले १०९ रन बनाए। आरिफ शेखले १० बलमा १ छक्का मद्दतले अविजित १८ रन बनाए।

दिल्लीको बलिंगमा प्रिन्स यादवले ३, मनिष शेरावतले २ तथा आयुष सिंह, अर्जुन रपारिया र रभी रोशनले १/१ विकेट लिए।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]