एसीसी यु-१६ इस्टर्न : सेमीफाइनलमा नेपाल र हंगकंग प्रतिस्पर्धा गर्दै ( सम्पूर्ण जानकारी )

  • विकेटनेपाल, बैशाख-१३ 

थाइल्याण्डमा जारि एसीसी अन्डर-१६ ( पूर्वी क्षेत्र )  प्रतियोगिता अन्तर्गत डिफेन्डिङ च्याम्पियन टिम नेपालले सेमीफाइनलमा हंगकंगसंग प्रतिस्पर्धा गर्दैछ।

प्रतियोगिताको समुह चरणमा नेपाल समुह ‘ए’ को विजेता हुँदै सेमीफाइनलमा स्थान बनाएको हो। हंगकंग समुह ‘बि’ को उप-विजेताको रुपमा सेमीफाइनल खेल्न लागेको हो। समुह ‘ए’ को उप-विजेताको रुपमा मलेसिया र समुह ‘बि’ को विजेताको रुपमा सिंगापुरले सेमीफाइनलमा स्थान बनाएको छ।

नेपाल र हंगकंगको प्रतियोगितामा नतिजा 

नेपालले समुह चरण अन्तर्गत पहिलो खेलमा म्यानमारलाई ७ विकेटले तथा दोश्रो खेलमा मलेसियालाई ३९ रनले पराजित गरेको थियो। आयोजक थाईल्याण्डसंगको तेश्रो खेल भने वर्षाको कारण अवरुद्ध भएको थियो।

Vs म्यानमार – म्यानमार : ५८, नेपाल : ६२/३ ( बिशाल बिक्रम – ४ विकेट, अर्जुन कुमाल – २६* रन )
Vs मलेसिया – नेपाल : १४१ , मलेसिया : १०२ ( अइस भट्टराई – ३४ )
Vs थाईल्याण्ड – नेपाल : २३४/७ , थाईल्याण्ड : ०/१ ( १.५ ओभर )

हंगकंगले चिनसंगको खेलेको पहिलो खेल वर्षले रद्द भएको थियो भने दोश्रो खेलमा सिंगापुरसंग ६ विकेटको पराजय बेहोरेको थियो। तेश्रो खेलमा भुटानलाई ८ विकेटले पराजित गर्दै हंगकंगले सेमीफाइनलमा स्थान सुरक्षित गर्यो।

Vs चिन – वर्षाले रद्द
Vs सिंगापुर – हंगकंग : १०४ , सिंगापुर : १०८/४
Vs भुटान – भुटान : ४२ , हंगकंग : ४६/२

इतिहासमा नेपाल-हंगकंग 

अन्तिम पटक नेपाल र हंगकंग अन्डर-१६ टिम बीच २ वर्ष अघि एसीसी यु-१६ पूर्वी प्रतियोगितामा भेट भएको थियो। समुह चरणको उक्त खेलमा नेपाल ४ विकेटले विजयी भएको थियो। पहिले ब्याटिंग गर्दै हंगकंगले दिएको ८३ रनको लक्ष्य नेपालले २४.१ ओभरमा ६ विकेट गुमाएर पुरा गरेको थियो। उक्त प्रतियोगिता नेपालले जितेको थियो।

त्यस भन्दा अघि नेपालले हंगकंग यु-१६ संग सन् २०१० एसीसी यु-१६ इलाइट कपमा खेलेको थियो। समुह चरणको खेलमा हंगकंगले दिएको ८९ रनकको लक्ष्य नेपालले १८.३ ओभरमा ४ विकेट गुमाएर पुरा गरेको थियो।

खेल बारे जानकारी 

नेपाल र हंगकंग बीच सेमीफाइनल खेल शनिवार बिहान नेपाली समय ९:१५ बजे सुरु हुनेछ। खेलको प्रत्यक्ष भिडीयो उपलब्ध रहने छैन भने स्कोर अपडेट एसियन क्रिकेट काउन्सिलले आफ्नो वेबसाइट मार्फत गर्नेछ। अपडेट विकेटनेपाल फेसबुक पेज र वेबसाइटमा पनि हेर्न सक्नु हुनेछ। भोलिनै प्रतियोगिताको दोश्रो सेमीफाइनल पनि सिंगापुर र मलेसिया बीच खेलिनेछ। पर्सि आइतबार फाइनल खेल हुनेछ।





थप समाचार

क्यानले पायो डिजिटल फ्यान अवार्ड

काठमाडौं । नेपालले २०२३ को आइसीसी डिजिटल फ्यान ईन्गेजमेन्ट अवार्ड जितेको छ । नेपाल क्रिकेट संघ (क्यान) का विभिन्न सोसल […]

एसिया कपमा युएईसँग पहिलो पटक खेल्दै नेपाल

काठमाडौं । नेपालले शुक्रबार युएईविरुद्ध खेल्दै नवौं संस्करणको एसीसी महिला एसिया कप २०२४ को सुरुआत गर्दैछ । अन्य प्रतियोगितामा नेपाल […]

ओमान र स्कटल्यान्डले अंक बाडे

काठमाडौं । ओमान र स्कटल्यान्डले विश्वकप लिग टू सिरिज अन्तर्गतको खेलमा वर्षाका कारण खेल नतिजाबिहीन रुपमा सकिएपछि अंक बाडेका छन् […]

हार्दिकलाई पछि पार्दै सुर्यकुमार नयाँ कप्तान बन्दै

काठमाडौं । भर्खरै सकिएको टी-२० विश्वकपको उपाधि जितेको भारतीय टोलीको यस महिनाको अन्त्यमा हुने श्रीलंका भ्रमणमा टी-२० टोलीको कप्तानीमा सुर्यकुमार […]

नेपालको रोमान्चक जित

काठमाडौं । नेपाली महिला टोलीले तेस्रो तथा अन्तिम अभ्यास खेलमा श्रीलंका डेभलपमेन्ट टोलीलाई रोमान्चक रुपले हराएको छ । एसीसी एसिया […]

नेपालले दियो ११३ रनको लक्ष्य

काठमाडौं । एसीसी महिला एसिया कपको तयारीका लागि श्रीलंकामा रहेको नेपाली टोलीले तेस्रो अभ्यास खेलमा १ सय १३ रनको लक्ष्य […]