नेदरल्यान्ड्समाथि नेपालको शानदार जित

काठमाडौं । अफ्रिकी मुलुक दक्षिण अफ्रिका, जिम्बावे र नामिबियामा संयुक्त रुपमा आयोजना हुने २०२७ को एकदिवसीय विश्वकपको छनोटको रुपमा रहेको आईसीसी विश्वकप लिग टू अन्तर्गत नेपाल, नामिबिया र नेदरल्याण्ड्स सम्मिलित त्रिकोणात्मक सिरिजको दोस्रो खेलमा नेपालले नेदरल्यान्ड्समाथि शानदार जित निकालेको छ ।

टियु मैदान किर्तिपुरमा भएको खेलमा नेपालले नेदरल्यान्ड्सलाई ९ विकेटले पराजित गरेको हो ।

नेदरल्यान्ड्सले दिएको १ सय ३८ रनको लक्ष्य नेपालले १५ दशमलब २ ओभरमा १ विकेट गुमाउँदै पूरा गर्यो । नेपालका लागि अनिल शाहले ३६ बलमा ६ चौका र ४ छक्काको सहयोगमा अविजित ५७ रनको अर्धशतकीय ईनिङ खेले । करियरको दोस्रो अर्धशतक शाहले ३४ बलमा ७ चौका र १ छक्काको सहयोगमा पूरा गरे । आशिफ शेखले ४५ बलमा ८ चौका र १ छक्काको सहयोगमा ५४ रनको अर्धशतकीय ईनिङ खेले । उनले ४३ बलमा अर्धशतक पूरा गरे । उनको यो ओडिआई ईतिहासको ११ औं अर्धशतक हो ।

ओपनर कुशल भुर्तेलले ११ बलमा २८ रन बनाए । उनी भिभियन किंग्माको बलमा आउट भए ।

त्यसअघि टस हारेर पहिले ब्याटिङ गरेको नेदरल्यान्ड्सले ३९ ओभरमा अल आउट हुदै १ सय ३७ रन बनायो ।

नेदरल्यान्ड्सका लागि कप्तान स्कट एडवार्डले ४९ बलमा ३३ रन बनाए । कप्तान एडवार्ड ३४ दशमलब २ ओभरमा कुशल भुर्तेलको बलमा एलबीडब्लु आउट भए ।

बास डि लिडेले ४४ बलमा ३ चौका र १ छक्काको सहयोगमा २७ रन बनाए । ललितनारायण राजवंशीले १९ दशमलब २ ओभरमा नेदरल्यान्ड्सको चौथो विकेट लिए । ललितले ४४ बलमा २७ रन बनाएका बास डि लिडेलाई बोल्ड आउट गराए ।

नेदरल्यान्ड्सले तेस्रो विकेटका रुपमा साइब्रण्ड इन्गलब्रेन्ट ललितनारायण राजवंशीको बलमा आउट भए । उनी ३५ बलमा २३ रन बनाउँदै स्लिपमा अनिल शाहबाट क्याच आउट भए । पहिलो ओभरको तेस्रो बलमा सोमपाल कामीले नेपाललाई पहिलो सफलता दिलाए । उनले नेदरल्यान्ड्सबाट डेब्यु खेल खेलिरहेका मिचेल लेभिटलाई आउट गराए । लेभिट देव खनालबाट क्याच आउट भएका थिए ।

दोस्रो विकेटका रुपमा छैटौं ओभरको अन्तिम बलमा रहेका म्याक्स ओ डाउड रन आउट हुनपुगे । उनी ललितनारायण राजवंशीको बलमा रन आउट भएका थिए । म्याक्सले २१ बलमा १ छक्काको सहयोगमा १० रन बनाएका थिए ।

नेदरल्यान्ड्सले पाँचौं विकेटका रुपमा नोय क्रोस आउट भए । १२ रन बनाएका क्रोसलाई कुशल मल्लले रन आउट गराए । लगत्तै अर्को ओभरमा वेस्ली बारीसी कुशल भुर्तेलको बलमा आउट भए । उनी खाता नै नखोलि आउट भए । नेपालका लागि सातौं सफलता कप्तान रोहितकुमार पौडेलले दिलाएका थिए । पौडेलले २७ दशमलब २ ओभरमा सिराज अहमदलाई बोल्ड आउट गराए । ३३ ओभरको अन्तिम बलमा आर्यान दत्त कुशल भुर्तेलको बलमा आउट भए ।

भिभियन किंग्मा १७ बलमा २ रन बनाउँदै कुशल भुर्तेलको बलमा आउट भएसँगै पहिलो ईनिङ समाप्त भएको थियो ।

नेपालका लागि कुशल भुर्तेलले चार तथा ललितनारायण राजवंशीले दुई विकेट लिए ।

विश्वकप लिग टू मा पहिलो खेलेको नेदरल्यान्ड्सलाई हराउँदै नेपालले ईतिहास बनाएकाे छ ।





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]