काठमाडौं । श्रीलंकामा जारी रहेको नवौं संस्करणको एसीसी महिला एसिया कपको आफ्नो दोस्रो खेलमा नेपालले पाकिस्तानको सामना गर्दैछ ।
नेपाल र पाकिस्तानबीचको खेल नेपाली समय अनुसार आईतबार बेलुका सवा सातमा सुरु हुदैछ । खेल श्रीलंकाको डम्बुलामा रहेको रंगगिरी क्रिकेट स्टेडियममा हुदैछ ।
यस खेलमा जित हात पारेर नेपाल पहिलो पटक एसिया कपको सेमिफाइनलमा स्थान बनाउँन चाहन्छ । नेपालले सेमिफाइनलमा स्थान पक्का गर्न दिउँसो हुने खेलमा भारतले युएईलाई पराजित गर्नु पर्ने हुन्छ ।
नेपालले पछिल्लो पाँच मध्ये चार टी-२० आई खेल जितेको छ । उता, पाकिस्तानले भने पाँच मध्ये एक खेल पनि जित्न सकेको छैन । नेपालले शुक्रबार युएईलाई ६ विकेटले पराजित गर्दै एसिया कप ईतिहासको पहिलो जित दर्ता गरेको थियो । पाकिस्तान भने पहिलो खेलमा भारतसँग ७ विकेटले पराजित भएको थियो ।
