- विकेटनेपाल, भदौ २९
भारतको लखनउमा जारि चौकोणीय यु-१९ एकदिवसीय सिरिज अन्तर्गत नेपालले दोश्रो खेलमा भारत यु-१९ ‘ए’ संग प्रतिस्पर्धा गरिरहेको छ।
लखनउको एकाना स्टेडियममा जारि खेलको पहिलो इनिंग सकिदा नेपालले टस जितेर ब्याटिंग गर्दै ४५.५ ओभरमा १५६ रन बनाएको छ।
खराब सुरुवात गरेको नेपालले पहिलो ३ विकेट २३ रनको स्कोरमा ८.१ ओभरमा गुमाएको थियो। ओपनर रभी शाह ५ रनमा आउट भए भने रित गौतम र आसिफ शेखले खाता खोल्न सकेनन्।
चौथो विकेटको लागि ओपनर तृत राज दास र सन्दिप जोराले ६९ रनको साझेदारी गर्दै नेपाललाई सम्मानजनक स्थितितर्फ डोर्याए। तृत २९ औं ओभरमा ४६ रन बनाएर आउट भए जस अघि उनले ८६ बलमा ७ चौका प्रहार गरे।
त्यसपछि ब्याटिंग गर्न आएका भिम शार्की र सन्दिप जोराले पाँचौ विकेटको लागि ४९ रनको साझेदारी गरे र नेपालको स्कोर १५० नजिक पुर्याए। जोरा ४१ औं ओभरमा ६६ रन बनाएर आउट भए जुन क्रममा १ छक्का र ५ चौका प्रहार गरे। त्यसलगत्तै भिम शार्की पनि २८ रन बनाएर आउट हुँदा नेपालको तल्लो क्रम धरासायी भयो।
४५.५ ओभरमा नेपालले १५६ रनमा सम्पूर्ण विकेट गुमाउन पुग्यो। भारतीय बलर वाईडी मंगवानी र अजय गौडले समान ४/४ विकेट हात पारे।
नेपालले यस अघि पहिलो खेलमा भारत यु-१९ बि टिमसंग ४० रनको पराजय बेहोरेको थियो।
