अफगानिस्तानलाई जितको लागि १९५ रनको लक्ष्य, पारसको अर्धशतकीय योगदान

Paras Khadka

आईसीसी एकदिवसीय बिश्वकप छनौट अन्तर्गत आफ्नो चौथो खेलमा अफगानिस्तानको सामना गरेको नेपालले टस जितेर पहिले ब्याटिंग गर्दै १९४ रन बनाएको छ।

दिलिप नाथको सट्टा ओपनिंग ब्याटिंग गरेका अनिल साह ७ रनमा आउट भएपछि ज्ञानेन्द मल्ल र पारस खड्काले दोश्रो विकेटको लागि ९२ रनको साझेदारी गर्दै नेपाललाई राम्रो सुरुवात दिलाएका थिए। अनिललाई मुजिब उर् रहमानले आउट गरेका थिए।

१३/१ को अवस्थाबाट नेपालले १०५ रनको योगफलमा ज्ञानेन्द्र मल्ललाई दोश्रो विकेटको रुपमा गुमाउन पुग्यो। मल्ल २३ रन ९ ६९ बल, २ चौका ) रासिद खानको बलमा एलबिडब्लु धरापमा परे। मल्लको विकेट लगत्तै पारस खड्का पनि आउट भए। १० चौका र १ छक्का मदतले ७५ रनको इनिंग खेलेका पारसलाई मोहम्मद नाबीले लंग अन बाउन्ड्रीमा क्याच आउट गराएका थिए।

पारसको प्रतियोगितामा यो दोश्रो अर्धशतक हो र लिस्ट ‘ए’ क्रिकेटमा आठौँ अर्धशतक पनि हो।

पारसको विकेट पछि पाँचौ नम्बरमा ब्याटिंग गरेका रोहित पौडेल मात्र १ रन ( १३ बल ) बनाएर आउट भए। पाँचौ विकेटको लागि दिपेन्द्र ऐरी र आरिफ शेखले २६ रनको साझेदारी गरेपछि दिपेन्द्र ३२ रन ( ४१ बल, ३ चौका र १ छक्का ) आउट हुनपुगे। दिपेन्द्रलाई पछ्याउदै आरिफ पनि नाबीको शिकार हुन पुगे जसले २३ रनको योगदान दिए।

सोमपाल कामि पनि ९ रनमा नाबीको शिकार भए जसपछि शरद भेसावकर घाइते हुँदा प्रतियोगितामा पहिलो पटक मौका पाएका करन केसी पनि १ छक्का प्रहार गर्दै ६ रन बनाएर शापुर जद्रानको बलमा आउट हुन पुगेका थिए। सन्दिप लामिछाने र ललित राजबंशी खाता नखोली आउट हुँदा बसन्त रेग्मी ९ रनमा अविजित रहे।

४९.५ ओभर ब्याटिंग गरेको नेपालले १९४ रनमा सम्पूर्ण विकेट गुमाउन पुग्यो।

अफगानिस्तानको लागि उत्कृस्ट बलिंग गरेका अफ स्पिनर मोहम्मद नाबीले ४ विकेट लिए जुन क्रममा १० ओभरमा मात्र ३३ रन खर्चिए। रासिद खानले ३ विकेट ( ९.५-१-४५-३ ) तथा  शापुर जद्रानले २ विकेट ( ८-१-३२-२ ) हात पारे। मुजिब उर् रहमानले किफायती बलिंग गर्दै १ विकेट हात पार्न १० ओभरमा मात्र २४ रन खर्चिए।

स्कोरकार्ड 

महत्वपूर्ण खेलमा स्टार ब्याट्सम्यान शरद भेसावकर बिना नेपाली टिम मैदानमा हुनेछ। शरद ह्याम्सट्रिन्ग इन्जुरी का कारण आजको खेल गुमाएको ब्यबस्थापक रमन शिवाकोटीले बताएका छन्। यस्तै विकेट किपर ब्याट्सम्यान दिलिप नाथलाई आज अन्तिम ११ मा राखिएको छैन। शरद र दिलिपको सट्टा अन्तिम ११ मा करन केसी र अनिल साहले पहिलो पटक मौका पाएका छन्।साहले विकेट किपरको भूमिका समेत निभाउनेछन्।

नेपालको अन्तिम ११

Gyanendra Malla , Anil Sah ( WicketKeeper ) , Paras Khadka ( Captain ) , Dipendra Singh Airee , Aarif Sheikh , Rohit Kumar , Sompal Kami , Basant Regmi , Karan KC , Sandeep Lamichhane , Lalit Rajbanshi

अफगानिस्तान अन्तिम ११

Afsar Zazai ( Wicket Keeper ) , Rahmat Shah , Mohammad Nabi , Rashid Khan ( Captain ) , Gulbadin Naib , Sharafuddin Ashraf , Mujeeb Ur Rahman , Najibullah Zadran , Shapoor Zadran , Samiullah Shenwari , Javed Ahmadi

प्रतियोगितामा दुई खेल खेलेको नेपाल र तीन खेल खेलेको अफगानिस्तानले अहिलेसम्म जितको खाता खोल्न सकेका छैनन्। छनौट प्रतियोगिता सुरुहुनु अघि प्रमुख दाबेदारको रुपमा हेरिएको नव टेस्ट रास्ट्र अफगानिस्तानले स्कटल्याण्ड, जिम्बाबे र हंगकंगसँग पराजय व्यहोर्यो भने नेपाल पनि जिम्बाबे र स्कटल्याण्डसँग पराजित भईसकेको छ।

सुपर सिक्स चरण पुग्दै एकदिवसीय मान्यता प्राप्त गर्ने लक्ष्य सहित जिम्बाबे पुगेको नेपालले आफ्नो पुरानो प्रतिद्वन्दीलाई पराजित गर्दै आशा जीवित राख्ने दाउमा हुनेछ भने अफगानिस्तान चौथो खेलमा पहिलो जित दर्ता गर्दै साख मात्रै हैन सुपर सिक्स पुग्ने सम्भावना जीवित राख्न चाहन्छ।

खेलको फोटोहरु 

Paras Khadka
Paras Khadka
Nepal vs Afghanistan
Nepal vs Afghanistan





थप समाचार

अर्जुन ट्रफीः सीवाईसी अत्तरिया फाइनलमा

धनगढीमा जारी अर्जुन ट्रफी राष्ट्रिय क्रिकेटमा सिवाइसी अत्तरिया फाइनलमा प्रवेश गरेको छ । आज भएको सेमिफाइनलमा खेलमा डिसिए धनगढीलाई छ […]

सिड्नी क्रिकेट लिग : सन्तोष र संजय चम्किंदा अभानी विजयी

सिड्नी, सन्तोष घिमिरे र सन्जय पाण्डे चम्किंदा अस्ट्रेलियाको सिड्नीमा जारि सिड्नी सुपर लिगको आफ्नो पहिलो खेलमा अभानी क्रिकेट क्लबले पन्जाब […]

क्रिकेट एक्सिलेन्स सेन्टर च्याम्पियन

काठमाडौं। ऋत गौतमको शतकीय इनिङ्ससँगै क्रिकेट एक्सिलेन्स सेन्टरले प्रधानमन्त्री कप पुरुष क्रिकेट काठमाडौं जिल्ला छनोट जितेको छ। आइतबार सम्पन्न खेलमा […]

एनकासा इन्टर फर्म टी-२० क्रिकेटमा १३ टिम सहभागी हुने

काठमाडौं। नेपाल चार्टर्ड एकाउन्टेन्ट विधार्थी संगठन (एनकासा) इन्चिट्युट अफ चार्टरड एकाउन्टेन्ट अफ नेपाल (आइक्यान) को स्वतन्त्र विधार्थी संगठनले फागुन पहिलो […]

आस्थालाई पराजित गर्दै प्यारामाउन्टले जित्यो नेसनल हाइस्कुल च्याम्पियनसिपको राष्ट्रिय फाइनल

काठमाडौं। आस्था कलेजलाई पराजित गर्दै प्यारामाउन्ट कलेजले नेसनल हाइस्कुल च्याम्पियनसिप (एनएचसी) को राष्ट्रिय फाइनल जितेको छ। तल्लो मूलपानी मैदानमा शनिबार […]

दिपेन्द्र सिंह ऐरीले डिसिएबाट अर्जुन ट्रफी खेल्ने

नेपाली अलराउण्डर दिपेन्द्र सिंह ऐरीले डिसिएबाट अर्जुन ट्रफी खेल्ने भएका छन् । धनगढीमा जारी प्रतियोगिताको सेमिफाईनल पुगेको डिसिए धनगढीले ऐरीलाई […]