- विकेटनेपाल, बैशाख-६ गते
थाइल्याण्डमा शनिबार देखि सुरु हुने एसीसी अन्डर-१६ पूर्वी क्षेत्र प्रतियोगिता अन्तर्गत नेपालले आफ्नो पहिलो खेलमा म्यानमारसंग खेल्दैछ।प्रतियोगिता खेल्न नेपाली अन्डर-१६ टिम बिहिबार थाईल्याण्ड प्रस्थान गरिसकेको छ।
अप्रिल २० देखि २८ तारिकसम्म चियाँग्माइ थाईल्याण्डमा आयोजना हुने प्रतियोगितामा नेपाल सहित ८ टिम प्रतिस्पर्धा गर्दैछन्। नेपाल सहित आयोजक थाईल्याण्ड, मलेसिया, म्यानमार, सिंगापुर, हंगकंग , चिन र भुटान सहभागी प्रतियोगिता ३५ ओभर प्रति इनिंगको हुनेछ।
नेपाली अन्डर-१६ टिम प्रतियोगिताको डिफेन्डिङ च्याम्पीयन समेत हो। सन् २०१७ मा मलेसियामा आयोजित प्रतियोगितामा नेपालले सिंगापुरलाई पराजित गरे उपाधि जितेको थियो।
प्रतियोगिताको लागि बिशाल बिक्रम केसीको कप्तानीमा १४ सदस्यीय टिमको बुधबार घोषणा गरिएको थियो। टिममा २ वर्ष अघि पनि रहेका सुबास ऐयर र बिशाल बिक्रम केसी पनि छन्।
नेपाली टिम :-
बिशाल बिक्रम केसी ( कप्तान ) , आइस भट्टराई, प्रशान्त महत, अर्जुन कुमाल, दिपक बोहरा, सुबास ऐयर, निखिल कुमार सिंह, बिशाल कुमार पटेल, क्रिश कार्की, तिलक राज भण्डारी, रमेश कुर्मी, रोहन दुधराज बिक, प्रशान्त सिंह र सुशान्त थापा
अतिरिक्त खेलाडी – अभिषेक गौतम, परशुराम यादभ, अरबाज अन्सारी, बिबेक दरासी
प्रशिक्षक – बसन्त शाही , म्यानेजर – सुदिप शर्मा, फिजियो – दिनेश भट्ट
नेपाल समुह ‘ए’ मा, यस्तो छ खेल तालिका
प्रतियोगितामा सहभागी ८ टिमलाई २ समुहमा बिभाजन गरिएको छ। नेपाल रहेको समुह ‘ए’ मा आयोजक थाईल्याण्ड, मलेसिया र म्यानमार रहेका छन्। समुह ‘बि’ मा सिंगापुर, हंगकंग , चिन र भुटान रहेका छन्।
समुह ‘ए’ – नेपाल, मलेसिया, थाईल्याण्ड, म्यानमार
समुह ‘बि’ – सिंगापुर, हंगकंग, चिन र भुटान
समुह चरणमा एक/अर्का बिरुद्ध १/१ खेलीसकेपछि समुहको उत्कृस्ट-२ टिम सेमीफाइनल प्रवेश गर्नेछ।
नेपालको खेल तालिका :-
प्रतियोगिता अन्तर्गत नेपालले पहिलो खेल अप्रिल २० तारिक ( शनिवार ) म्यानमारसंग खेल्नेछ। दोश्रो खेल २४ अप्रिलमा मलेसियासंग तथा तेश्रो खेल अप्रिल २५ मा थाईल्याण्डसंग खेल्नेछ। अप्रिल २७ तारिकमा २ वटा सेमीफाइनल तथा २८ तारिकमा फाइनल खेल हुनेछ।
सबै खेल थाईल्याण्डको समय १०:३० बजे बिहान र नेपाली समय ९:१५ बजे सुरु हुनेछ।
अप्रिल २० – म्यानमारसंग , अप्रिल २४ – मलेसियासंग , अप्रिल २५ – थाईल्याण्डसंग
