ओमान बिरुद्ध नेपालको जितमा बनेका ८ रेकर्ड

आयोजक ओमानलाई ६ विकेटले पराजित गर्दै नेपालले चार देशीय टि-२० सिरिजमा विजयी सुरुवात गरेको छ। खेलमा ओमानले दिएको १३६ रनको लक्ष्य नेपालले १९.३ ओभरमा भेटायो। नेपालको जितमा ब्याटिंगतर्फ दिपेन्द्र ऐरीले ७३ रन तथा बलिंगतर्फ अविनाश बोहराले ३ विकेट लिए। खेलको क्रममा बनेका रेकर्डहरुलाई यहाँ प्रस्तुत गरेका छौँ –

१) टि-२० अन्तर्राष्ट्रिय क्रिकेटमा ओमान बिरुद्ध नेपालको यो पहिलो जित हो। ओमानसंग नेपालले यस अघि २०१९ मा मात्र एउटा खेल खेलेको थियो जसमा ६ विकेटको हार बेहोरेको थियो।

२) दिपेन्द्र ऐरीले बनाएको अविजित ७३ रन चौंथो नम्बरमा ब्याटिंग गर्दै नेपाली ब्याट्सम्यानको उच्च व्यक्तिगत स्कोर हो। दिपेन्द्रले आफ्नै रेकर्ड तोडेका हुन्। उनले नेदरल्याण्डसंग गत वर्ष चौंथो नम्बरमा ब्याटिंग गर्दै ६० रन बनाएका थिए।

३) दिपेन्द्रको ७३ रन नेपालको टि-२० अन्तर्राष्ट्रियमा पाँचौ व्यक्तिगत उच्च स्कोर हो। सबैभन्दा उच्च व्यक्तिगत स्कोरको रेकर्ड ज्ञानेन्द्र मल्लको नाममा रहेको छ जसले भुटान बिरुद्ध १०७ रन बनाएका थिए। दोश्रो धेरै पारस खड्काले १०६, तेश्रो धेरै पारस खड्काले ब८६ रन तथा चौथो धेरै कुशल भुर्तेलले ७७ रन बनाएका छन्।

४) दिपेन्द्रको ७३ रन ओमान बिरुद्ध टि-२० अन्तर्राष्ट्रियमा नेपाली ब्याट्सम्यानले बनाएको उच्च स्कोर हो। यस अघि ओमान बिरुद्ध नेपाली ब्याट्सम्यानको उच्च स्कोर २० रन थियो जुन २०१९ मा आरिफ शेखले बनाएका थिए। यस्तै दिपेन्द्रको स्कोर ओमान बिरुद्ध कुनै पनि देशले बनाएको पाँचौ ठूलो स्कोर हो।

५) टि-२० अन्तर्राष्ट्रियमा दुई वटा ५० माथिको स्कोर बनाउने दिपेन्द्र मात्र पाँचौ नेपाली क्रिकेटर बनेका छन्। यस अघि पारस खड्काले सर्वाधिक ५ पटक, कुशल भुर्तेलले ४ पटक तथा बिनोद भण्डारी र ज्ञानेन्द्र मल्लले समान २ पटक ५० माथिको स्कोर बनाएका थिए।

६) अविनाश बोहराको स्पेल ( ४-०-२६-३ ) ओमान बिरुद्ध नेपाली बलरको टि-२० अन्तर्राष्ट्रियमा उत्कृस्ट स्पेल हो। यस अघि यो रेकर्ड करन केसीको नाममा थियो जसले २७ रन खर्चेर २ विकेट लिएका थिए।

७) सन्दिप लामिछाने टि-२० अन्तर्राष्ट्रियमा कप्तानी गर्ने नेपालको सबैभन्दा कान्छो कप्तान बनेका छन्। सन्दिपको उमेर २१ वर्ष १९३ दिन रहेको छ। पारस खड्काले २७ वर्ष तथा ज्ञानेन्द्र मल्लले २९ वर्षको उमेरमा नेपालको पहिलो पटक टि-२० अन्तर्राष्ट्रिय क्रिकेटमा कप्तानी गरेका थिए। यस्तै सन्दिप विश्वकै आठौँ कान्छो टि-ट्वान्टी अन्तर्राष्ट्रिय कप्तान समेत बनेका छन्। सबैभन्दा कान्छो उमेरमा टि-२० अन्तर्राष्ट्रिय कप्तानी गर्ने रेकर्ड मलेसियाका भिरनदिप सिंहको नाममा छ जसले २०१९ मा २० वर्ष १९० दिनको उमेरमा भानुआटु बिरुद्ध कप्तानी गरेका थिए।

८) खेलमा डेब्यु गरेका सागर ढकालले ३ ओभरमा ३६ रन खर्चेर विकेटविहिन रहे। डेब्युमा नेपाली बलरको यो सबैभन्दा महँगो स्पेल हो। यस्तै देब्रे हाते स्पिनरको कुरा गर्दा यो नेपाली देब्रे हाते स्पिनरको चौंथो महँगो स्पेल हो।





थप समाचार

गुजरात सामू चलेन पञ्जाबको ब्याटिङ, १४२ रनमा अल आउट

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा […]

ओमानलाई पराजित गरि युएई एसिया कपमा

काठमाडौं । कप्तान मोहम्मद वासिमको शतकको सहयोगमा ओमानलाई पराजित गर्दै युएईले २०२५ को एसीया कपमा स्थान बनाएको छ । घरेलु […]

बेंगलुरुको लगातार छैटौं हार, कोलकाता दोस्रो स्थानमा उक्लियो

काठमाडौं । १७ औं संस्करणको इन्डियन प्रिमियर लिग (आइपीएल)को ३६ औं खेलमा कोलकाता नाइटराइडर्सले रोयल च्यालेन्जर्स बेंगलुरुलाई पराजित गरेको छ […]

पलको अर्धशतकमा सुदुरको रोमान्चक जित

काठमाडौं । काठमाडौंमा जारी वीर गणेशमान सिंह राष्ट्रिय टी-२० च्याम्पियनशिप अन्तर्गत आइतवार भएको पहिलो खेलमा सुदुरपश्चिम प्रदेशले रोमाञ्चक जित हात […]

एसीसी प्रिमियर कप : उपाधीका लागि ओमान र युएई खेल्दै

काठमाडौं । ओमनमा जारी दोस्रो संस्करणको एसीसी प्रिमियर कपको उपाधिका लागि घरेलु टोली र युएई आज भिड्दै छन् । खेल […]

मल्ल वल्र्ड मास्टर्स लिगको सल्लाहकारमा नियुक्त

काठमाडौं । नेपाल क्रिकेट संघ(क्यान)का पुर्व कार्यवाहक सचिव प्रशान्त विक्रम मल्ल आगामी जुलाइमा आयोजना हुने वल्र्ड मास्टर्स टी-२० लिगको सल्लाहकारमा […]