काठमाडाैँ। अष्ट्रेलियामा जारी टप एन्ड टी२० सिरिजमा नेपालले आफ्नाे दाेस्राे खेलमा बंगलादेश ‘ए’ बाट १८४ रनकाे लक्ष्य पाएकाे छ।
अस्ट्रेलियाको डार्बिनस्थित मरारा क्रिकेट ग्राउन्ड २ मा टस जितेर पहिले ब्याटिङ थालेकाे बंगलादेश ‘ए’ ले निर्धारित २० ओभरमा ६ विकेट गुमाएर १८३ रन बनायाे।
बंगलादेशका लागि जिसन आलमले ४६ बलमा पाँच छक्का र चार चौकाको मद्दतले सर्वाधिक ७३ रनको योगदान गरे। यसैगरी अफिफ हुसेनले अविजित ४८, मोहम्मद नइमले २५ र सइफ हसनले ११ रन बनाए।
नेपालका लागि रिजन ढकालले दुई तथा करण केसी, नन्दन यादव र सन्दीप लामिछानेले समान एक विकेट लिए।
यसअघि पहिलाे खेलमा नेपाल घरेलु टाेली नर्दर्न टेरिटाेरी स्टाइकरसँग ४२ रनले पराजित भएकाे थियाे।