इमर्जिंग कपमा नेपाल पनि खेल्न पाउने, एसियाली टेस्ट रास्ट्रहरु समेत सहभागी

• विकेटनेपाल, फाल्गुन १४ – काठमाडौँ 

बंगलादेशमा मार्च २५ देखि सुरु हुने एसीसी ईमर्जिंग नेसन्स कपमा नेपाली क्रिकेट टिमले सहभागिता जनाउने भएको छ l

एसीसीले तयार गरेको बार्षिक क्यालेन्डरमा नेपाललाई पनि समाबेस गरेर प्रतियोगिता गराउने भनिएतापनि एसीसीको पछिल्लो निर्णयले एकदिवसीय रास्ट्रहरुलाई मात्र खेल्ने मौका दिने कुरा अगाडी आएको थियो l

एसीसीको उक्त निर्णय पछि क्रिकेट संघका पुर्ब सीईओ भावना घिमिरेले नेपाली टिमसंगको सल्लाहमा एसीसीसंग उक्त निर्णयको पुनर्विचार गरि नेपाललाई सहभागी गराउन गरेको अनुरोध एसीसीले स्वीकारेको हो l

विकेटनेपालसंग कुराकानी गर्दै पुर्ब सीईओ घिमिरेले एसीसीले नेपाललाई प्रतियोगितामा सहभागिता गराउने कुराको पुस्टि गरेकी छिन् –

“नेपाल नखेल्ने भन्ने थाहा पाएपछि नेपाली क्रिकेट टिमको तर्फबाट अपिल गरेको हुँ जसपछि एसीसीले नेपाललाई पनि समाबेस गर्नेभएको हो”

प्रतियोगितामा भारत, पाकिस्तान, श्रीलंका, बंगलादेश जस्ता टेस्ट रास्ट्रको यु-२३ टोलि सहभागी हुनेछन् भने नेपाल सहित अफगानिस्थान, हंगकंग र मलेसिया सहभागी हुनेछन् l

यस अघि युएई र हंगकंगले ब्यस्त कार्यतालिकाको कारण प्रतियोगिता नखेल्ने बताउदै प्रतियोगिता नखेल्ने बताईएको थियो l घिमिरेका अनुसार हंगकंग प्रतियोगिता खेल्ने भएको र युएईको स्थानमा मलेसियाले प्रतियोगिता खेल्ने मौका पाएको हो l प्रतियोगितामा मलेसिया, नेपाल र हंगकंग सहभागी हुने कुरा मलेसियन क्रिकेट एसोसिएसनका अध्यक्ष महिन्दा भल्लिपुरमले ट्विट गर्दै पुस्टि गरेका छन् l

Msia 2 play in the Emerging Teams Asia Cup in Bangladesh 25th March – 3rd April with ???????????????????????????????? ???????????????????????? @Khairykj @VickiTreadell @KBSMalaysia

— Mahinda Vallipuram (@mvallipuram) February 25, 2017

मार्च २५ देखि अप्रिल ५ ( चैत्र १२-२३ ) सम्म बंगलादेशमा संचालन हुने एकदिवसीय प्रतियोगिता यस अघि मार्च १५ देखि हुने कार्यक्रम थियो l

सन् २०१३ मा एसीसीले संचालन गरेको एसीसी एमर्जिंग टिम्स कपको पहिलो संस्करणमा ४ एसियाली टेस्ट रास्ट्र सहित नेपाल, अफगानिस्तान, युएई र सिंगापुरले सहभागिता जनाएका थिए l भारतले उपाधि जितेको उक्त प्रतियोगितामा भारत, पाकिस्तान र अफगानिस्तान रहेको समुहमा परेको नेपाल सबै ३ वटा खेलमा पराजित हुँदै पहिलो चरणबाट बाहिरिएको थियो l

एसीसीलाई आईसीसीले खारेज गरेपछि उक्त प्रतियोगिता पनि रोकिएको थियो जसले पुनः एसीसी संचालनमा आएपछि निरन्तरता पाएको हो l

नेपाली क्रिकेट टिम हाल फाल्गुन २८ र ३० गते टियु मैदानमा खेल्ने आईसीसी बिश्व क्रिकेट लिग च्याम्पियनसिप अन्तर्गत केन्यासंगको खेलको तयारी स्वरूप भारत भ्रमणमा रहेको छ l

यो पनि पढ्नुस : 

• पारस खड्काको एपेन्डिसाइटिस अपरेसन, यस्तो छ अवस्था
• भारत भ्रमण गर्ने नेपाली टिम घोषणा : पढ्नुस को परे को परेनन्
• सन्दिप लामिछाने बिश्वकै उत्कृस्ट युवा क्रिकेटरहरुको सुचीमा पर्न सफल