युएईसंग ३ एकदिवसीय अन्तर्राष्ट्रियको सिरिज अन्तर्गत नेपालले दोश्रो एकदिवसीयमा टस जितेर ब्याटिंग गर्ने निर्णय गरेको छ। खेल सुरु हुने समय नेपाली समय ११:१५ बजे हो।
हिजोको पहिलो एकदिवसीयमा नेपालले टस हारेर पहिले ब्याटिंग गरेको थियो। हिजो खेलाईएकै पिचमा आज पनि नेपालले खेल्दैछ। घाँसे पिच हुँदा हिजो दुवै टिमका ब्याट्सम्यानहरुले संघर्ष गरेका थिए।
हिजो अन्तिम-११ मा रहेका बसन्त रेग्मीलाई दोश्रो एकदिवसीयमा टिम बाहिर राखिएको छ। उनि पहिलो एकदिवसीयमा पूर्ण फिट नभई खेलेका थिए। खेलमा उनले मात्र १ ओभर बलिङ्ग गर्ने मौका पाएका थिए।
बसन्त रेग्मीको सट्टा नेपाली टिममा एकजना अतिरिक्त ब्याट्सम्यान रोहित पौडेल खेलाईएको छ। रोहित अन्तिम पटक एसिया कप छनौटमा नेपालको लागि खेलेका थिए। खराब फर्मका कारण उनलाई त्यसपछि टि-२० बिश्वकप छनौट एसिया प्रतियोगितामा टिममा राखिएको थिएन। पछिल्लो ५ वटा खेलमा रोहितले नेपालको लागि मात्र १८ रन बनाएका छन्।
नेदरल्याण्डसंग गत वर्ष एकदिवसीय सिरिजमा रोहितले एकदिवसीय अन्तर्राष्ट्रियमा डेब्यु गरेका थिए। एकदिवसीय अन्तर्राष्ट्रियमा डेब्यु गर्ने रोहित चौथो कान्छा खेलाडी बनेका थिए।
एकदिवसीय बिश्व कप छनौटमा रोहितले हंगकंगसंग अविजित ४८ रनको इनिंग खेलेका थिए भने गत वर्ष डिभिजन-२ मा केन्यासंग ४७ रनको इनिंग खेलेका थिए।
अफस्पिन अल-राउण्डर पवन सर्राफले भने पुनः अन्तिम-११ मा मौका पाएका छन्। पहिलो खेलमा ब्याटिंगमा नचलेका पवनले बलिङ्ग गर्ने मौकानै पाएका थिएनन्। खेलको अपडेट
नेपालको अन्तिम ११ – बिनोद भण्डारी, ज्ञानेन्द्र मल्ल, पारस खड्का, दिपेन्द्र ऐरि, रोहित पौडेल, आरीफ शेख, सन्दिप लामिछाने, सोमपाल कामि, करन केसी, ललित राजबंशी, पवन सर्राफ,
