विकेटनेपाल, असोज ७
भारतको चेन्नाई भ्रमण अन्तर्गत नेपाली क्रिकेट टिमले तेश्रो अभ्यास खेलमा टस जितेर शनिबार तमिलनाडु ‘ए’ संग ब्याटिंग गरेको छ।
नेपालको लागि सागर पुन र ज्ञानेन्द्र मल्लले ओपनंग ब्याटिंग गरेका थिए । यो समाचार तयार गर्दासम्म नेपालले १४ ओभरमा ६० रन बनाउदा १ विकेट गुमाएको छ । सागर पुन १ चौका मदातले १५ तथा शरद भेसावकर २ चौका मदतले ११ रन बनाएर ब्याटिंग गरिरहेका छन् ।
ओपनर ज्ञानेन्द्र मल्ल १० औं ओभरमा ३१ रनको व्यक्तिगत स्कोरमा आउट भए । मल्लले ३७ बलको इनिंगमा ६ चौका प्रहार गरेका थिए । उनलाई भिग्नेस रावले क्याच आउट गराए ।
नेपालले चेन्नाई भ्रमण अन्तर्गत दोश्रो अभ्यास खेलमा बिहिबार मिलापुर रिक्रियसन क्लबलाई ५२ रनले पराजित गरेको थियो । यस्तै पहिलो अभ्यास खेलमा मंगलबार डीन्डीगुल ड्रयागन्सलाई १५३ रनको बिशाल अन्तरले पराजित गरेको थियो।
भ्रमण अन्तर्गत नेपालले चौथो तथा अन्तिम अभ्यास खेल २५ तारिक सोमबार खेल्नेछ जसपछि सेप्टेम्बर २७ गते फूलपातीको दिन स्वदेश फिर्ता हुने कार्यक्रम रहेको छ ।
अक्टोबर १३ र १५ तारिकमा हंगकंगमा हुने आईसीसी बिश्व क्रिकेट लिग च्याम्पियनसिपको तयारीको लागि टिमले भारत भ्रमण गरेको हो ।