Sudurpaschim Province vs Gandaki Province Live



पपुवा न्यु गिनी बिरुद्ध नेपालको शानदार जित, दिपेन्द्र र सन्दिप उत्कृस्ट

Sandeep Lamichhane
  • विकेटनेपाल, चैत- बिहिबार 

आईसीसी बिश्वकप छनौट अन्तर्गत प्लेअफ खेल अन्तर्गत खेलमा नेपालले पपुवा न्यु गिनीलाई ६ विकेटले पराजित गरेको छ। पपुवा न्यु गिनीले दिएको ११५ रनको लक्ष्य नेपालले २३ ओभरमा ४ विकेट गुमाएर भेटाएपछि प्रतियोगितामा नेपालले दोश्रो जित दर्ता गर्यो।

जितसंगै अब नेपालले प्रतियोगिताको सातौँ स्थानको लागि शुक्रबार खेल्नेछ। नेदरल्याण्ड र हंगकंग बीच आजै भइरहेको खेलको बिजेतासंग नेपालको भेट हुनेछ। यदी नेदरल्याण्डले हंगकंगलाई पराजित गरे नेपालले स्वतः एकदिवसीय राष्ट्रको मान्यता पाउनेछ भने हंगकंग बिजयी भने सातौ स्थानको लागि हंगकंग र नेपाल बीच हुने खेलको बिजेताले एकदिवसीय राष्ट्रको मान्यता पाउनेछ।

जिम्बाबेको ओल्ड हरारियन्स मैदान हरारेमा पपुवा न्यु गिनीले टस हारेर पहिले ब्याटिंग गर्दै दिएको ११५ रनको लक्ष्य पछ्याउने क्रममा नेपालले खराब सुरुवात गर्यो। ओपनर ज्ञानेन्द्र मल्ल १ र अनिल साह ९ रन बनाएर आउट हुँदा तेश्रो ओभर चल्दै गर्दा नेपालको स्कोर १३/२ पुग्यो। तेश्रो विकेटको लागि पारस खड्का र दिपेन्द्र ऐरीले २२ रनको साझेदारी गरे जसपछि पारस २० रनको व्यक्तिगत स्कोरमा आउट हुँदा नेपाल पुनः समस्यामा पर्यो।

७ ओभरमा ३५/३ को स्थितिबाट दिपेन्द्र ऐरी र आरिफ शेखले जिम्मेवारीपुर्वक ब्याटिंग गरे। जितको नजिक पुर्याएर आरिफ शेख २६ रन बनाएर आउट हुँदा चौथो विकेट गुमाउनु अघि शेखले दिपेन्द्रसंग ६९ रनको महत्वपूर्ण साझेदारी गरिसकेका थिए। त्यसपछि ब्याटिंग गर्न आएका रोहित पौडेल र दिपेन्द्रले नेपाललाई जितसम्म पुर्याए।

दिपेन्द्रले अविजित ५० रन बनाउने क्रममा ५८ बलमा ३ छक्का र १ चौका प्रहार गरे। रास्ट्रिय टिमको लागि दिपेन्द्रको यो चौथो अर्धशतक हो। ऐरीले छक्का प्रहार गर्दै अर्धशतक र जित दिलाएका थिए। रोहित पौडेल ३ रनमा अविजित रहे।

सन्दिप र दिपेन्द्रको उत्कृस्ट बलिंग  

नेपालको लागि पहिलो विकेट सोमपाल कामिले तेश्रो ओभरमा कप्तान असद भालालाई १० रनमा एलबिडब्लु आउट गर्दै दिलाएका थिए। त्यसपछि आठौँ ओभरमा करन केसीले टिपी उरालाई ( ११ रन ) विकेटकिपर अनिल साहको हातमा क्याच थमाएका थिए।

२९/२ को अवस्थामा रहेको पपुवा न्यु गिनीले पुनः सम्हालिने प्रयास गर्दा सन्दिप लामिछानेले १३ औं ओभरमा चाड सोपरलाई १० रनको व्यक्तिगत स्कोरमा एलबिडब्लु गर्दै ५४/३ को अवस्थामा पुर्याए। त्यसपछि पनि सन्दिप रोकिएनन् र ११ रन बनाएका सेसे बाउलाई बोल्ड गर्दै चौथो सफलता दिलाए।


त्यसलगतै सन्दिपले महुरु दाईलाई पनि ५ रनको स्कोरमा क्याच आउट गराउदा पपुवा न्यु गिनी १६.१ ओभरमा ६३/५ को नाजुक अवस्थामा पुगेको थियो। त्यसपछि पनि विकेट जाने शिलशिला थामिएन र दिपेन्द्र ऐरीले लगातार ४ विकेट लिंदै न्यु गिनीलाई लज्जास्पद स्कोरमा अलआउट गर्न महत्वपूर्ण भूमिका खेले।

दिपेन्द्रले ४.४ ओभरमा मात्र १४ रन दिएर ४ विकेट लिंदा न्यु गिनीको तल्लो क्रमलाई ध्वस्त पारे। सन्दिप लामिछानेले ८ ओभर बलिंग गर्दै ४ विकेट लिन २९ रन मात्र खर्चिए। सोमपालले ६ ओभरमा १८ रन तथा करनले ५ ओभरमा २४ रन खर्चेर १/१ विकेट लिए।

पपुवा न्यु गिनीको लागि चार्ल्स अमिनीले सर्वाधिक १९ रन तथा जे किलाले १५ रन योगदान दिए।

खेलको फोटोहरु :- 

Nepal Cricket Team
Nepal Cricket Team

Nepal Cricket Team
Nepal Cricket Team





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]