भारतमा जारि चौकोणीय यु-१९ एक दिवसीय शृंखला अन्तर्गत तेस्रो स्थानका लागि आज नेपाल र अफगानिस्तान भिड्दै छन्। खेल लखनौ स्थित एकाना क्रिकेट मैदान ‘बि’ मा संचालन हुनेछ।
|| लाइभ अपडेटका लागि यहाँ क्लिक गर्नुहोस ||
तेस्रो स्थानका लागि खेलिने खेलमा नेपालले टस हारेर बलिंगको निम्तो पाएको छ। नेपाल यु-१९ टोलीले तेस्रो स्थानको खेलका लागि त्रित राज दास र किशोर महतोको को स्थानमा रित गौतम र संसाद आलमलाई अन्तिम ११ मा मौका दिएको छ।
सिरिज अन्तर्गत पहिलो दुई खेलमा भारत यु-१९ ‘ए’ र ‘बि’संग पराजित भएको नेपाली युवा टोलीले तेस्रो खेलमा भने अफगानिस्तान यु-१९ लाई पराजित गरेको थियो। मंगलवार नै हुने प्रतियोगिताको फाइनल खेलमा भने भारत यु-१९ ‘ए’ र ‘बि’ भिड्दै छन्।
अफगानिस्तान यु-१९ले भने सिरिजमा खेल जित्न सफल भएको छैन। पहिलो दुई खेलमा भारत यु-१९ ‘ए’ र ‘बि’ संग पराजित भएको अफगान टोलि तेस्रो खेलमा नेपाल यु-१९ संग पराजित भएको थियो।
नेपालको अन्तिम ११ – आसिफ शेख ( कप्तान , विकेटकिपर ) लोकेश बम, सन्दिप जोरा, रित गौतम, भिम शार्की,अरुण ऐरि, कमल ऐरि, राशिद खान, संसाद आलम, सागार ढकाल,पवन सर्राफ
