यस्तो छ नेपालले डिभिजन-२ मा लगाउने नयाँ जर्सी

, २०७४ माघ १८, बिहीबार ११:३३

विकेटनेपाल- माघ १८- बिहिबार

नेपाली क्रिकेट टिमले आईसीसी बिश्व क्रिकेट लिग डिभिजन-२ मा नयाँ जर्सी लगाएर खेल्ने भएको छ।

फेब्रुअरी ८ देखि १५ तारिकसम्म नामिबियामा आयोजना हुने प्रतियोगिता अघि नेपाली टिम हाल युएईमा अभ्यास खेल खेल्ने क्रममा रहेको छ जुन क्रममा दोश्रो अभ्यास खेलमा युएई ‘ए’ बिरुद्ध बुधबार नेपाली टिम नयाँ जर्सी लगाएर मैदानमा उत्रिएको थियो। मंगलबार खेलिएको अभ्यास खेलमा भने नेपालले पुरानै रातो अभ्यास जर्सी लगाएर खेल्यो।

नेपाली टिमले लगाउने जर्सी भारतको टि-टेन स्पोर्ट्सले बनाउदै आएको छ। अन्तर्राष्ट्रिय क्रिकेट परिषद आईसीसीलेनै जर्सी लगायत नेपाली क्रिकेट टिमको ब्यबस्थापनको पाटो हेर्दै आएको छ।

नेपालि क्रिकेट टिमले पहिले देखि लगाउने जर्सीमा निलो रंग धेरै जसमा रातो मिसिएको हुने गर्थ्यो तर यो पटकको जर्सीमा रातो रंगको धेरै प्रयोग गरिएको छ जसमा निलो मिसाइएको छ। जर्सीको माथिल्लो भागमा पूर्ण रातो र तल्लो भागमा निलो र रातोको मिश्रण गरिएको छ।

यस अघि नेपालले युएईमा बिश्व क्रिकेट लिग च्याम्पियनसिपको खेल खेल्दा लगाएको जर्सीको अधिकांश भाग निलो थियो भने बाहुला र छेउको भाग रातो थियो। निलो र रातोको यही अनुपात भएको जर्सीमा नेपालले लामो समय देखि लगाउदै आएको।