- विकेटनेपाल, असार २३
लर्ड्स क्रिकेट मैदानमा जुलाई २९ तारिखमा हुने आयोजक मेरीलेबोन क्रिकेट क्लब (एमसिसी), नेदरल्याण्ड र नेपाल सम्मिलित टि-२० त्रिकोणात्मक शृंखला तथा नेदरल्याण्डसँग अगस्ट १ र ३ मा हुने ऐतिहासिक एकदिवसीय सिरिजको लागि नेपालले शनिबार देखि तयारी थालेको छ।
प्रतियोगिताको बन्दसत्रको लागि शुक्रबार २० सदस्यीय प्रारम्भिक टिमको घोषणा गरिएको थियो। टिममा सुबास खकुरेल र प्रदिप ऐरिले पुनरागमन गरेका छन् भने नयाँ अनुहार हरि क्षेत्री ( चौहान ) ले समेत मौका पाएका छन्। टिममा सुबास खकुरेल, प्रदीप ऐरी, हरि चौहानका साथै अनिल कुमार साह, बसन्त रेग्मी, बिनोद भण्डारी, दिपेन्द्र सिंह ऐरी, ज्ञानेन्द्र मल्ल, करन केसी, ललितसिंह भण्डारी, ललित नारायण राजबंशी, आरिफ शेख, रोहित कुमार पौडेल, सन्दिप लामिछाने, शक्ति गौचन, शरद भेसावकर, सोमपाल कामी, सुनिल धमला र सुशन भारी रहेका छन्।
बन्दसत्रको पहिलो दिन टिमले ब्याटिंग र बलिङ्गको नेट अभ्यास गर्यो जसको लागि टियु मैदानको मध्य पिचमा नेट लगाईएको थियो। युरोपको परिस्थितिलाई मध्यनजर गर्दै पिचलाई घाँसे बनाएर अभ्यास गरिएको छ। टिमले फिल्डिंग अभ्यासमा समेत समय बितायो। ग्लोबल टि-२० क्यानडा खेलीरहेका सन्दिप लामिछाने तथा अमेरिकामा रहेका शरद भेसावकर भने बन्दसत्रमा अनुपस्थित रहेका छन्।
करिब २ साताको अभ्यास पछि टिम इंग्ल्याण्ड जाने र त्रिकोणात्मक सिरिज अघि अभ्यास खेलहरु समेत खेल्ने टिमका ब्यबस्थापक रमन शिवाकोटीले विकेटनेपाललाई जानकारी गराएका छन्।
हेर्नुस पहिलो दिन अभ्यासको फोटोहरु :-
![Karan KC](https://wicketnepal.com/wp-content/uploads/2018/07/IMG_9173.jpg)
![Binod Bhandaari](https://wicketnepal.com/wp-content/uploads/2018/07/IMG_9160.jpg)
![Paras Khadka](https://wicketnepal.com/wp-content/uploads/2018/07/IMG_9112.jpg)
![Sompal Kami](https://wicketnepal.com/wp-content/uploads/2018/07/IMG_9085.jpg)
![Pradeep Airee](https://wicketnepal.com/wp-content/uploads/2018/07/IMG_9016.jpg)
![Rohit Poudel](https://wicketnepal.com/wp-content/uploads/2018/07/IMG_9034.jpg)
![Anil Sah](https://wicketnepal.com/wp-content/uploads/2018/07/IMG_9014.jpg)
![Subash Khakurel](https://wicketnepal.com/wp-content/uploads/2018/07/IMG_8983.jpg)
![Sunil Dhamala](https://wicketnepal.com/wp-content/uploads/2018/07/IMG_8943.jpg)
![Lalit Singh Bhandari](https://wicketnepal.com/wp-content/uploads/2018/07/IMG_8936.jpg)
![Lalit Rajbanshi](https://wicketnepal.com/wp-content/uploads/2018/07/IMG_8910.jpg)
![Shakti Gauchan](https://wicketnepal.com/wp-content/uploads/2018/07/IMG_8863.jpg)
![Binod Bhandari, Paras Khadka](https://wicketnepal.com/wp-content/uploads/2018/07/IMG_8838.jpg)
![Aarif Sheikh bowling](https://wicketnepal.com/wp-content/uploads/2018/07/IMG_9178.jpg)
( फोटोहरु – राजन अधिकारी )