क्रिकेटर बसन्त रेग्मी र सिद्धान्त लोहनीलाई अमेरिकी खेल सामग्री कम्पनी ‘आदि स्पोर्ट्स युएसए’ले क्रिकेट किट प्रयोजन गरेको छ l
सिद्धान्तलाई ५ बर्ष र बसन्तलाई ३ बर्षको लागि आदि स्पोर्ट्सले सम्पूर्ण क्रिकेट किट प्रायोजन गरेको हो l
प्रायोजन सम्झौता अनुसार क्रिकेट ब्याट, प्याड, हेल्मेट लगायत सम्पूर्ण सामग्री आवस्यकता अनुसार दुवै क्रिकेटरले प्रयोग गर्न पाउनेछन् भने उक्त अबधिमा रास्ट्रिय र अन्तररास्ट्रिय खेलहरुमा आदि स्पोर्ट्स अंकित सामग्री प्रयोग गर्नुपर्नेछ l 
अमेरिकामा बसोबास गर्ने नेपाली राइनोज क्रिकेट क्लबका आशिक लामा तामांग र उत्सब सिग्देलको पहलमा आदि स्पोर्ट्सका मालिक आदि भट्टी नेपाली क्रिकेटरलाई प्रायोजन गर्ने तयार भएका हुन् l अन्य क्रिकेटरहरुलाई पनि ब्राण्डहरु संग सम्झौता गराउन पहल गरिरहेको क्लबका उत्सब सिग्देलले विकेटनेपाललाई बताएका छन् l
नेपाली क्रिकेट टिमका ८ सदस्यहरु यतिबेला टु एक्स क्रिकेट प्रतियोगिता खेल्न अमेरिका छन् l नेपाली राइनोज क्लब बाट प्रतियोगिता खेल्न अमेरिका पुगेका नेपाली टिमको सम्पूर्ण ब्यबस्थापन नेपाली राइनोज क्रिकेट क्लबलेनै गरेको छ l
नेपाली टिमले पहिलो खेल भोलि एमएसएम. इंग्ल्यान्ड संग खेल्नेछ l खेल नेपाली समय अनुसार राति ९:४५ बजे सुरु हुनेछ l
यो पनि पढ्नुस :
