पहिलो टि-२० अन्तर्राष्ट्रियमा नेपाल फिल्डिंग गर्दै, ३ खेलाडीले गरे डेब्यु

  • विकेटनेपाल – १७ माघ, बिहिबार 

दुबईमा जारि युएई बिरुद्धको टि-२० अन्तर्राष्ट्रिय शृंखलाको पहिलो खेलमा नेपालले टस जितेर फिल्डिंग गर्ने निर्णय लिएको छ ।  घरेलु टोलि बिरुद्धको ३ खेलको टि-२० सिरिज बिहिबारबाट सुरु भएको हो ।

दुबई स्थित आईसीसी ग्लोबल क्रिकेट एकेडेमी मैदानमा कप्तान पारस खड्काले टस जितेपछि नेपालले बलिङ्ग गर्ने निर्णय लिएको हो। यसअघि सम्पन्न एक दिवसिय अन्तर्राष्ट्रिय शृंखला अन्तर्गतको तेस्रो तथा अन्तिम खेल समेत नेपालले चेज गर्दै जितेको थियो ।

युएई बिरुद्धको पहिलो टि-२० खेलका नेपालले ३ खेलाडीलाई डेब्यु गराएको छ । यस अघि नेपालका लागि टि-२० अन्तर्राष्ट्रिय नखेलेका रोहित कुमार पौडेल, सन्दिप जोरा  र अभिनास बोहोराले नेपालका लागि डेब्यु गर्न लागेका हुन् । सन्दिप र रोहित मध्यक्रममा आक्रामक ब्याटिंगका लागि चिनिने गर्छन् भने अभिनास टि-२० क्रिकेटमा उपयोगी बलर हुन् ।

Rohit Paudel
Rohit Paudel ( Photo – TheNational.ae )

रोहितले यस अघि देखिनै नेपालका लागि लिस्ट ए क्रिकेट र एक दिवसिय अन्तर्राष्ट्रिय खेल्दै आएका छन् भने सन्दिप जोराले युएई बिरुद्धको अन्तिम एक दिवसिय खेलबाट नेपालका लागि डेब्यु गरेका थिए । यस्तै अभिनास  बोहोराले भने नेपाली जर्सीमा पहिलो पटक खेल खेल्न लागेका हुन् ।

अविनाश बोहराले एभरेस्ट प्रिमियर लिगको अन्तिम सिजन  भैरहवा ग्ल्याडीएटर्सको प्रतिनिधित्व गरेका थिए। प्रतियोगितामा कुल ७ विकेट लिएका दायाँ हाते पेस बलर बोहराले किफायती बलिङ्ग तथा बिशेष गरि डेथ ओभरमा कन्जुस बलरको परिचय बनाएका थिए। यस्तै सन्दिप जोराले ईपिएलमा ललितपुर प्याट्रिएट्सको लागि तथा यु-१९ राष्ट्रिय टिमको लागि केहि राम्रो इनिंग खेलेका थिए।

नेपाल अन्तिम ११  :

पारस खड्का(कप्तान), ज्ञानेन्द्र मल्ल, प्रदिप ऐरी, दिपेन्द्रसिंह ऐरी, रोहित पौडेल, सन्दिप जोरा, सोमपाल कामी, करण केसी, सन्दिप लामिछाने, वसन्त रेग्मी, अभिनाश बोहोरा





थप समाचार

एनकासा इन्टर फर्म टी-२० क्रिकेटमा १३ टिम सहभागी हुने

काठमाडौं। नेपाल चार्टर्ड एकाउन्टेन्ट विधार्थी संगठन (एनसिएएसए) इन्चिट्युट अफ चार्टरड एकाउन्टेन्ट अफ नेपाल (आइक्यान) को स्वतन्त्र विधार्थी संगठनले फागुन पहिलो […]

आस्थालाई पराजित गर्दै प्यारामाउन्टले जित्यो नेसनल हाइस्कुल च्याम्पियनसिपको राष्ट्रिय फाइनल

काठमाडौं। आस्था कलेजलाई पराजित गर्दै प्यारामाउन्ट कलेजले नेसनल हाइस्कुल च्याम्पियनसिप (एनएचसी) को राष्ट्रिय फाइनल जितेको छ। तल्लो मूलपानी मैदानमा शनिबार […]

दिपेन्द्र सिंह ऐरीले डिसिएबाट अर्जुन ट्रफी खेल्ने

नेपाली अलराउण्डर दिपेन्द्र सिंह ऐरीले डिसिएबाट अर्जुन ट्रफी खेल्ने भएका छन् । धनगढीमा जारी प्रतियोगिताको सेमिफाईनल पुगेको डिसिए धनगढीले ऐरीलाई […]

अर्जुन ट्रफीः कुशल भुर्तेलको अलराउण्ड प्रदर्शनमा डडेल्धुरा फाईनलमा

कैलाली, माघ २६ नेपाली राष्ट्रिय क्रिकेट टोलीका सदस्य कुशल भुर्तेल चम्किएपछि फेण्ड्स युथ क्लब डडेल्धुरा क्रिकेटको शहर धनगढीमा भईरहेको अर्जुन […]

ग्रेट हिमालय काठमाडौं छनोटको उपाधि फाइनलमा

काठमाडौँ । ग्रेट हिमालय क्रिकेट एकेडेमी प्रधानमन्त्री कप पुरुष क्रिकेट काठमाडौं जिल्ला छनोटको उपाधि नजिक पुगेको छ। मूलपानीको माथिल्लो क्रिकेट […]

आगामी पाँच वर्षभित्र नेपालले टेस्ट क्रिकेट खेल्छ : आसिफ शेख

काठमाडौँ । नेपाली क्रिकेटको विकास र भविष्यबारे विशेष चर्चा गरिएको नेपाल क्रिकेटस् संघर्षदेखि सफलताको उत्सवसम्म कार्यक्रम बिहिवार राजधानीमा सम्पन्न भएको […]